Uyghur ömiki milletchi heriket partiyesi rehbiridin abduqadir yapchanni qoyup bérishini telep qildi

Ixtiyariy muxbirimiz erkin tarim
2016.10.13
Share on WhatsApp
Share on WhatsApp
abduqadir-yapchan-qoyup-berish-telipi.jpg Uyghur hey'itining aqsaqalliri türkiye milletchi heriket partiyesi mu'awin re'isi mehmet günal ependi bilen körüshüp türkiye dölitining abduqadir yapchanni qoyup bérishini telep qiliwatqan körünüshi. 2016-Yili 12-öktebir, enqere.
RFA/Erkin Tarim

Uyghurlar ichidin chiqqan tonulghan diniy zat, jama'et erbabi we Uyghur pa'aliyetchi abduqadir yapchan 8-ayning 30-küni türkiye j. X idarisi teripidin tutup kétilgen idi.

Ikki qétim qoyup bérilgen bolsimu, qayta tutup kétildi. Hazir istanbul maltepe türmiside ornida yatmaqta. 10-Ayning 12-küni abduqadir yapchanning yurtdashliri we yéqinliri dep tonushturghan hemdullah memetoghlu bashchiliqidiki 8 Uyghur enqerege kélip, milletchi heriket partiyisi mu'awin re'isi mehmet günal ependi bilen körüshüp, türkiyening abduqadir yapchanni baldurraq qoyup bérishi üchün küch chiqirishini telep qildi. Milletchi heriket partiyisining türk dunyasigha mes'ul mu'awin re'isi mehmet ünal ependi partiye merkizidiki ishxanisida Uyghur hey'etni qizghin kütüwélip, ularning teleplirini anglidi we abduqadir yapchan toghrisidiki yazma doklatni tapshurup aldi.

Qobul axirlashqandin kéyin mikrofonimizni bu hey'etke uzattuq. Abdurehim tursun ependi milletchi heriket partiyisi mu'awin re'isining özlirini qizghin kütüwalghanliqini bayan qilip mundaq dédi:
“Bizni qizghin qarshi aldi. Bizning bu yerge kélishtiki meqsitimiz abduqadir yapchanning qoyup bérilishi mesilisi idi. Bulargha bu heqte melumat bergendin kéyin süylenglar démekchi iduq. Bular bu mesilini bilidiken, qalghan ishlarni bizdin anglighandin kéyin bu ishning péshini qoyup bermeymiz. Munasiwetlik orunlar bilen körüshüp bu heqte pat yéqinda silerge jawabini bérimiz dep, nahayiti yaxshi kütüwaldi, özlirimu xursen boldi, biznimu xosh qilip yolgha saldi”.

Abdurehim tursun ependi milletchi heriket partiyisi mu'awin re'isi mehmet günal ependi özlirini qobul qilghandin kéyinki tesirati toghrisida toxtilip mundaq dédi:

“Uyghur mesilisini bu kishimu yaxshi bilidiken, lékin biz chékiwatqan dertni tétip baqmighachqa bizdek bilmeydiken. Shunga bu heqte biz bilen söhbet yighini échishqa wede berdi. Buningdin kéyin silerning ishni tashliwetmeymiz dep wede bergen boldi.”

Hemdullah memetoghlu ependi munularni dédi: “Abduqadir yapchan tutup kétilgendin kéyin köp qayghularni chektuq. Teshkilatlar döletlerge köp qétim anglatti anglitiwatidu. Biz nechche milyon türk xelqi qollawatqan milletchi heriket partiyesining re'isi dölet baghcheli ependi bilen körüshmekchi iduq, emma jinaza murasimigha ketken bolghachqa körüshelmiduq. Uning mu'awini mehmet ünal ependi bilen körüshtuq. Yapchan mesilisining Uyghurlar üchün nazuk bir mesile ikenlikini, shunga milletchi heriket partiyesining türkiye parlaméntida kün tertipke élip kélishini telep qilduq. Abduqadir yapchanning baldurraq qoyup bérilishini telep qilduq. Xewirimu bar iken, bundin kéyin mesilini sürüshte qilip turidighanliqi toghrisida wede berdi, menche bek yaxshi ötti. ”

Hemdullah memetoghlu ependi milletchi heriket partiyisining türk parlaméntidiki üchinchi chong partiye ikenlikini, bu uchrishishning paydiliq bolidighanliqigha ishinidighanliqini bayan qildi.

Abduxemit dawutoghlu ependi türkiye dölet re'isi rejep tayyip erdoghanning abduqadir yapchanni xitaygha qayturup bermeydighanliqigha ishinidighanliqini, shundaq bolsimu bashqa partiyilergimu bu mesilini déyishning paydiliq bolidighanliqigha ishinidighanliqini bayan qilip ötti.

Biz bu Uyghur hey'itini qobul qilghan milletchi heriket partiyisining mu'awin re'isi mehmet ünal bilen ependi bilen  ayrim körüshüp, uning pikir qarashlirini élishqa tirishqan bolsaqmu, emma u ziyaritimizni qobul qilishni xalimidi.

Tonulghan diniy zat, jama'et erbabi we Uyghur pa'aliyetchi abduqadir yapchan 8-ayning 30-küni türkiye j. X idarisi teripidin tutup kétilgen idi. Arida ikki qétim qoyup bérilgen bolsimu, 9-ayning 30-küni qayta tutup kétilip, hazir istanbul maltepe türmiside tutup turulmaqta. Biz ishenchlik menbedin igiligen melumatqa asaslan'ghanda xitay hökümiti türkiye hökümitige abduqadir yapchanni qayturup bérishi toghrisida matériyal bergen. Mezkur matériyalda yapchan “Bölgünchi, térrorist” dep eyiblen'gen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.