Yeken élishqu weqeside xitay saqchisi esqer quddusqimu oq tekkenliki 3 yildin kéyin delillendi

Yéqinda anglighuchilirimizdin biri2014 ‏-yili yekende yüz bergen28 ‏-iyul élishqu weqeside  xitay dölet amanliq saqchiliri esqer we nurmemetning  weqede xitay eskerliridin oq yégenliki, buning mukapati süpitide mensipi'ining östürülgenlikini melum qildi. Aridin uzun ötmey xitay j x ministirliqi yeken j x idarisining1 ‏-etret bashliqi esqer quddusning memliket boyiche nemunichi qehriman bolup bahalan'ghanliqini élan qildi. Muxbirimizning bu yip uchlirigha asasen éniqlishi dawamida, mukapatlan'ghan saqchi esqer quddusning élishqu weqeside xitay qoralliq küchliridin oq yégenliki delillendi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

2014 ‏-Yili28 ‏-iyul küni yüz bergen yerken élishqu weqeside xitay eskerlirining puqralargha qaritip qara-qoyuq oq chiqarghanliqi, buning netijiside weqede xitay terepte turup xizmet qiliwatqan bir türküm Uyghur emeldar we saqchilarghimu oq tekkenliki jem'iyet xewerliride keng-kölemde tarqalghan idi. Emma bu ehwal ,xitay axbarat wastiliride tilgha élinmighan idi. Bügünki éniqlashlirimiz dawamida, mezkur weqede yeken nahiyilik j x idarisining dölet amanliq saqchisi esqer quddusning  élishqu weqeside oqta yarilan'ghanliqi delillendi. Esqer quddu25 ‏-may küni xitay x x ministirliqi teripidin nemunichi qehriman dep élan qilin'ghan idi.

Hörmetlik radiyo anglighuchilar, xitay da'iriliri28 ‏-iyul yeken élishqu weqesi heqqidiki xewerliride, weqede atalmish térrorchilardin 113 kishi, özliri tereptin 33 kishining ölgenlikini étirap qilghan. Xitay da'iriliri yene, atalmish térrorchilarning  köp sanda kishilerni yarilandurghanliqini tilgha alghan, emma  xitay qoralliq küchlirining öz saqchi we xadimlirinimu yarilandurghanliq ehwalini tilgha almighan idi.  Yuqiriqi uchurlardin qarighanda, esqer quddus xitay qoralliq küchlirining oqida yarilan'ghan. Emma, xitay qoralliq küchlirining esqer quddusqa qaritip qesten yaki perqlendürelmey oq chiqarghanliqi hazirche melum emes.