Yétim-yésirlargha pul toplighan abdukérim abdughéni we dostliri qamaqta

Muxbirimiz shöhret hoshur
2017.07.25
Share on WhatsApp
Share on WhatsApp
uyghur-yeza-namrat-mektep-2.jpg Uyghur yéziliridiki namrat mektep.
weibo.com

Bügün anglighuchilirimizdin biri radiyomizgha inkas yollap, yopurghining siyek yézisida 2014‏-yili abdukérim abdughéni qatarliq 20 nechche kishining yétim-yésirlargha pul toplighanliqi üchün késilgenlikini, ötken ayda yene shu délogha baghlinip 7 kishining tutqun qilin'ghanliqini melum qildi. Muxbirimizning téléfonini qobul qilghan yopurghining siyek yéziliq saqchi xadimi mezkur uchurlarning toghriliqini delillidi. Misirdin ayrilghan, nöwette türkiyege jaylashqan sabiq oqughuchi abdulla tursun xitayning i'anini cheklishi heqqide pikir bayan qildi.

Radiyomizgha kelgen inkasta yétim-yésirlargha pul toplighanliqi üchün késilgen abdukérim abdughéni qatarliq yashlarning yopurghining siyek yézisidin ikenliki yézilghan. Biz bu uchurgha asasen, siyek yéziliq saqchixana xadimidin melumat soriduq. Saqchixana xadimi inkasta déyilgenlerning hemmisining toghriliqini delillidi. Melum bolushiche, abdukérim abdughéni qatarliq yashlar 10 ming bilen 20 ming som arisida pul toplighan. Emma, ular pulni pilanlighan a'ililerge bérishtin awwal tutqun qilin'ghan. Ular, “ Abdukérim guruhi” dep nam bérilip we döletni parchilashqa urunush dégen atalmish jinayet artilip késiwétilgen. Jazagha uchrighanlar arisida pul toplash üchün teshwiq we heriket qilghanlarla emes, pul bergenlermu orun alghan. Weqeni delilligen saqchixana xadimi délogha özi arilashmighanliqini, emma közitip turghanliqini we weqedin xewerdar ikenlikini bayan qildi. Uning bayan qilishiche, yétim-yésirlargha pul toplash“ Jinayi” délosining dawami ötken ayda yene tekshürülgen. Eyni chaghda shu délogha chétilghanliqi we tordin chüshüp qalghanliqi ilgiri sürülgen 7 kishi yéngidin tutqun qilin'ghan, ular nöwette tekshürülmekte.

Xitayning yétim-yésirlargha pul toplashni cheklesh ijra'ati ilgiri yéngisheher yapchandin ehwal igilishimiz dawamidimu ashkarilan'ghan. Yapchandiki bir amanliq mudiri da'irilerning pulning yaman niyetlik kishilerning qoligha chüshüp kétishidin endishe qilip, zakatni chekligenlikini pash qilghan. Ilgiri Uyghur rayonida bir mehel imamliq qilghan, yéqinda misirdin ayrilghan we nöwette türkiyede yashawatqan abdulla tursun ependi siyektiki yuqiriqi weqe heqqide tesiratlirini bayan qildi.

Abdulla tursunning bayan qilishiche, xitay da'iriliri öz hakimiyitige qarshi chiqqanlarning iradisini sundurush üchün, ularning perzentlirini igisiz qoyush arqiliq jazalimaqta. Abdulla ependi, xitay da'irilirining yillardin béri Uyghur yashlirini exlaqiy jehettin yaman yollargha righbetlendürüp, yaxshi yollardin tosuwatqanliqini, Uyghurlarning tinch we xatirjem yashishini xalimaywatqanliqini ilgiri sürdi.

Yuqirida yopurghining siyek yézisida abdukérim abdughéni qatarliq 20 nechche yashning yétim-yésirlargha pul toplighanliqi üchün késilgenliki heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.