Kérembagh doxturxana mes'uli: weqede adem ölmidi déyelmeymen

Muxbirimiz shöhret hoshur
2013-09-18
Élxet
Pikir
Share
Print
"Dölet jughrapiyisi zhurnili"ning dékabir sanida  bérilgen "bashqa bir tibet" mawzuluq maqalida uyghurlarning kimliki we hazirqi weziyiti heqqide tepsiliy melumatlar bérilgen bolup, süret, qeshqer qedimi shehirining chéqiliwatqan körünüshliridin biri.
"Dölet jughrapiyisi zhurnili"ning dékabir sanida bérilgen "bashqa bir tibet" mawzuluq maqalida uyghurlarning kimliki we hazirqi weziyiti heqqide tepsiliy melumatlar bérilgen bolup, süret, qeshqer qedimi shehirining chéqiliwatqan körünüshliridin biri.
ngm.nationalgeographic.com Din élindi.

Biz tünügünki programmimizda, qeshqer shehiride qurulush élip bériwatqan kérembagh doxturxana binasining bixeterlikidin chataq chiqip, bir türküm kishilerning ziyankeshlikke uchrighanliqi heqqide melumat bergen iduq. Tünügün muxbirimizning ziyaritini qobul qilghan yawagh saqchixana bashliqi weqede adem ölmigenlikini, peqet 10 kishining yénik derijide zeximlen'genlikini bayan qilghan idi. Muxbirimizning bügün ilgirilep sürüshte qilishi dawamida, etraptiki ahaliler weqede 7-8 kishining ölgenliki we 20 nechche kishining yarilan'ghanliqini bildürdi. Doxturxanining mes'ulliridin biri bolsa, weqening yüz bergenlikidin xewiri barliqini, emma alaqidar ishlargha özi mes'ul bolmighanliqi üchün ziyan-zexmetning tepsilatini bilmeydighanliqini éytti, emma u "Weqede adem ölmidi" déyelmeydighanliqini eskertti.

Qeshqer sheherlik saqchi idarisi bilen söhbet

Xadim: qeshqer sheherlik saqchi idarisi?
Muxbir: kérembagh doxturxanisida yüz bergen bina örülüsh weqeside melumat almaqchi idim?
Xadim: u bina örülgen weqe emes؛ binaning jazisi örülüp ketken ish.

Muxbir: weqede qanche adem ölüp, qanche adem yarilandi?
Xadim: bu heqte 120 ge (doxturxana jiddiy qutquzush bölümige) téléfon qiling, biz sizge bu melumatni dep bérelmeymiz.

Kérembagh 1-doxturxanining jiddiy qutquzush bölümi bilen söhbet

Muxbir: bu kérembagh yeni 1-doxturxanining jiddiy qutquzush bölümimu?
Xadim: shundaq.

Muxbir: ötkenki binaning jazisi yiqilip chüshken weqede silerning doxturxanining séstralirimu yarilandi dep angliduq, ular kimler?
Xadim: u küni men ishlimigentim, bu ehwallarni bilmeymen.

Muxbir: weqede adem ölgen yaki ölmigenlikinimu bilmemsiz?
Xadim: unimu bilmeymen, bu ishlarni doxturxana kespiy ishlar mudiri qasimjan jurindin sorang.

Dohturxana bashliq bilen söhbet

Muxbir: siz, qasimjanmu, doxturxanining kespiy ishlar mudiri shundaqmu?
Xadim: he, men shu.

Muxbir: amérikining erkin asiya radi'osining muxbirimen, sizdin bir ehwalni igilep baqmaqchidim, téléfon ziyaritimizni qobul qilalamsiz?
Xadim: bolidu, bolidu.

Muxbir: yéqinda silerning doxturxanida yüz bergen binaning jazisi örülüp kétish weqeside qanche kishi ölüp, qanche kishi yarilandi?
Xadim: men sirtta wezipe ötewatqan, u ishlardin xewirim yoq.

Muxbir: weqening yüz bergenlikidin xewiringiz boldimu?
Xadim: xewirim boldi, boran chiqip jaza örülüp chüshüptu dep.

Muxbir: teweliktiki saqchixana bashliqidin sorisaq, weqede adem ölmidi, dédi, bizge kelgen inkasta 10 nechche adem öldi dégen gep bar. Siz "Weqede adem ölmidi" déyelemsiz?
Xadim: yaq, undaqmu déyelmeymen.

Muxbir: doxturxananglarda kim bilen alaqileshsem, bu heqte melumat alalishim mumkin?
Xadim: kespiy bölümimizning wu jurin dep yene bir mudiri bar, shu bilidighu deymen.

Muxbir: shu kishining téléfonini sorashqa bolamdu?
Xadim: kechürüng unimu dep bérelmeymen.

Yawagh ahalisi bilen söhbet 1

Muxbir: bu, yawaghdiki bir öyning téléfonighu deymen?
Ahale: shundaq.

Muxbir: kérembagh doxturxanisi bilen ariliqinglar qanchilik?
Xadim: bir kilométir.

Muxbir: doxturxana binasining jazisi örülüsh weqeside qanche kishi ölgenlikidin xewiringlar boldimu?
Ahale: bir kishi öldi, 3 kishi xeter astida, yene bashqa yaridarlar bar dep angliduq.

Muxbir: ölgüchining kim ikenlikidin xewiringlar boldimu?
Ahale: beshkéremlik ademken dep angliduq, késel béqiwatqan.

Yawagh ahalisi bilen söhbet 2

Muxbir: bu yawaghdiki bir öyning téléfonighu deymen?
Ahale: shundaq.

Muxbir: doxturxanidiki bina weqeside qanche kishi öldi dep anglidinglar?
Ahale: 7-8 kishi öldi, 20 nechche kishi yarilandi dep angliduq. Ölgen, yarilan'ghanlar késeller, késel béqiwatqanlar we késel yoqlighili kelgenler iken.

Muxbir: binaning orni qandaq yerde iken?
Ahale: doxturxanining ichide.

Muxbir: bizning igilishimizde, yarilan'ghan adem sani 10 dégen bir melumat bar, andin ölgen we yarilan'ghanlarning sani 40 dégen bir melumat bar.
Ahale: tünügün men bir ish bilen doxturxanigha barghan. Weqe yüz bergen orunni kördüm, shu binaning jazisining aldi nahayiti jiq adem ötüp turidighan yer iken, bir ret emes, hetta 2-3 ret bolup toxtimay adem ötüp turidiken, méning shu yerdin ötken waqtim, namazshamdin kéyin, shu chaghning özide shu jaza yiqilsa az dégendimu 20-30 ademning üstige chüshidu.

Muxbir: weqede ölgen,yarilan'ghanlar Uyghurlarmiken yaki xenlermu barmikin.
Ahale: tepsiliy uqmaymen, emma bu doxturxana etrapidiki tewelikte hem doxturxanigha kirip-chiqidighan kishilerning 99% i Uyghur.

Muxbir: qurulush shirkiti Uyghurlarningmidu, xenlerningmidu?
Ahale: burunlarda qeshqerde Uyghur qurulush höddigerliri bolidighan, yéqinqi yillardin biri, méning bilishimche, Uyghurlardin qurulush höddigerliri yoq, bolupmu 20 qewetlik binaning qurulushini hödde alidighan.

Yuqirida, qurulushi dawam qiliwatqan kérembagh doxturxanisi binasining jazisi örülüsh weqesi heqqide igiligen yéngi melumatlirimizni diqqitinglargha sunduq.

Toluq bet