онсу чағрақтики мунияз аилисидә 6 оғул, бир қиз 7 қериндаш бар болуп, булардин әң чоңи абдулла муниязға 1997-йили үрүмчидә йүз бәргән аптобус партлитиш вәқәсигә четилип шу йили өлүм җазаси берилгән, ясин мунияз билән абдувайит мунияз һиҗрәт сәпиридә вийетнамдин қайтуруп әкилинип 17 вә 13 йиллиқ кесилгән; ақнияз мунияз, абдурусул мунияз вә абликим муниязлар миллий өчмәнлик әйиблимиси билән 11 вә 9 йиллиқтин кесилгән. аилидики бирдин- бир қиз қериндаш айшәмгүл гәрчә җазаланмиған болсиму, униң йолдиши имин абдуреһим һиҗрәткә пул топлаш сәвәблик кесилгән.
мунияз аилисиниң җазалиниш әһвали һәққидә юқириқи мәлуматларни бәргән киши чағрақ йеза 2-кәнтниң аманлиқ мудири. гәрчә у, 7 қериндаштин абдулла муниязға 1996-йили үрүмчидики аптобус партлитиш вәқәсигә четилип өлүм җазаси берилгәнликини ейтқан болсиму, әмма хитай җ х тармақлириниң торда елан қилған "1996-2000-йиллардики чоң делолар" намлиқ доклатида абдулла мунияз исимлик гумандарниң 1997-йили үрүмчидә йүз бәргән 25-феврал аптобус партлитиш вәқәсигә четилип өлүмгә буйрулғанлиқи баян қилинған.
мәзкур доклатта баян қилинишичә, 25-феврал аптобус партлитиш вәқәсидә 3 аптобус тәң вақитта партлитилған вә вәқәдә 9 киши өлгән, 68 киши яриланған. гәрчә юқириқи аманлиқ мудири мунияз аилисидики 5 қериндаш вә бир күйоғулниң четишлиқ делосиниң тәпсилати һәққидә мәлумат бәрмигән болсиму, әмма районниң вәзийити вә мәзкур аилиниң тарихи мәзкур аилиниң 1997-йилдики аптобус партлитиш вәқәси сәвәблик коллектип җазаланғанлиқ еһтималлиқини ашкарилимақта.
аваз улиниши арқилиқ, бу аилиниң коллектип җазалиниш әһвали һәққидә мәлумат аңлайсиләр.