Qaraqash partkom binasigha hujum qilghanlarning birining singlisi 7 yilliq qamaqta

Muxbirimiz shöhret hoshur
2017-01-03
Élxet
Pikir
Share
Print
Diniy yosunda kiyim kiygenliki üchün tutulghan roshengül. 2014-Yili, qaramay.
Diniy yosunda kiyim kiygenliki üchün tutulghan roshengül. 2014-Yili, qaramay.
RFA/Ehsan

Muxbirimizning 28-dékabir qaraqash partkom binasigha hujum qilish weqesini qozghatqan sewebler heqqidiki éniqlashliri dawamida, hujumni élip barghan 4 gumandardin biri abdulétip metqurbanning bir singlisining qattiq zerbe bérish dolqunida yette yilliq késilgenliki we nöwette jaza mudditini ötewatqanliqi ashkarilandi. Bu heqte melumat bergen yawa yéza jahanbagh kent amanliq mudiri, abdulétip metqurbanning ilgiri taghqa qoy ekelgini chiqqanda térrorluqqa teyyarliq qilish gumani bilen bir qétim xata tutulghanliqini bayan qildi.

Qaraqash partkom binasigha hujum qilish weqeside hujum nishanining özila weqening siyasiy xaraktérini yeni zulum we adaletsizlikke qarshi heriket ikenlikini ashkarilimaqta. Shuningdimu biz weqening yüz bérishige seweb bolghan qozghatquch sewebler heqqide melumat igiliduq. Gumandarlardin biri 23 yashliq abdulétip metqurban. U, qaraqash nahiye yawa yézisining jahanbagh kentidin. Ahalilerdin birining pash qilishiche, abdulétip metqurban 2014-yili taghqa qoy ekélish üchün chiqqan, shu chaghda 21 yash bolghan abdulétip metqurban taghda dostliri bilen yügriship oynawatqanda guma nahiyisining saqchiliri teripidin térrorluq üchün meshiq we teyyarliq qilish gumani bilen tutqun qilin'ghan we 3 ay heqsiz tutup turulghandin kéyin qoyup bérilgen. Bu uchur jahanbagh kent amanliq mudiri teripidinmu delillendi.

Amanliq mudirining yuqiriqi bayanliridin qarighanda, abdulétip metqurbanning weqede rol élishigha heriketlendürgüch rol oynighan seweblerdin biri newre singlisi 21 yashliq rahile dawutning késilishi bolushi mumkin. Yene uchurlardin melum bolushiche, kentte élip bérilghan bayraq chiqirish we nöwette turush qatarliq siyasiy heriket we öginishlermu uni bi'aram qilghan yaki uning jénigha patqan bolushi mumkin.

Toluq bet