Tahirjan qahiri: "Qeshqer uniwérsitétining saqchilirini qara jem'iyet kishiliridek hés qildim"

Muxbirimiz shöhret hoshur
2019-02-12
Élxet
Pikir
Share
Print
Qeshqerdiki isimshunas tetqiqatchi mutellip sidiq qahirining gérmaniyede oqush we tetqiqat bilen shughullinip kéliwatqan oghli tahir mutellip qahiri dadisining resimini kötürüp, xitay da'irilirini dadisini qoyup bérishke chaqirdi. 2018-Yili dékabir, gérmaniye.
Qeshqerdiki isimshunas tetqiqatchi mutellip sidiq qahirining gérmaniyede oqush we tetqiqat bilen shughullinip kéliwatqan oghli tahir mutellip qahiri dadisining resimini kötürüp, xitay da'irilirini dadisini qoyup bérishke chaqirdi. 2018-Yili dékabir, gérmaniye.
Suretni Tahir Mutellip Qahiri teminligen

Gérmaniyede oquwatqan doktorant tahirjan mutellip qahiri lagérdiki dadisi mutellip sidiq qahirining ehwalini sürüshte qilip, qeshqer uniwérsitétining saqchixanisigha téléfon qilghan. Saqchilar uningdin dadisining ehwalini yoshurghan. Saqchilar bilen téléfonda qilishqan sözlirining awaz xatirisini muxbirimiz bilen ortaqlashqan tahirjan saqchilarning qopal pozitsiyesidin normal bir dölet xadimlirining emes, belki bir qara jem'iyet kishilirining tebi'itini hés qilghanliqini bayan qildi.

Gérmaniyede oquwatqan doktor aspirant tahirjan mutellip qahiri ötken yilining otturiliridin bashlap lagérgha élip kétilgen dadisi, yeni qeshqer uniwérsitétining dem élishqa chiqqan proféssori, ataqliq isimshunas tetqiqatchi mutellip sidiq qahirining ehwalini sürüshte qilip qeshqer uniwérsitéti saqchixanisining xadimlirigha téléfon qilghan. Saqchi xadimliri türlük bahane-seweblerni körsitip, proféssor mutellip sidiq qahirining ehwalini uningdin yoshurghan. Wang ping isimlik amanliq bölümi mudiri tahirjan mutellipning kimlikini tepsiliy xatiriliwalghandin kéyin, bu heqte téléfonda melumat bérelmeydighanliqini, eger dadisi heqqide melumat bilmekchi bolsa qeshqer uniwérsitétigha kélishi kéreklikini éytqan.

Tahirjan söz arisida qeshqer uniwérsitéti saqchilirining bu pozitsiyesidin dölet xadimlirining emes, belki bir qara jem'iyet kishilirining tebi'iytini hés qilghanliqini bayan qildi.

Melum bolushiche, tahirjan mutellip qahiri dadisining lagérda ikenlik xewirini anglighandin kéyin, bir tereptin téléfon arqiliq dadisining iz-dérikini xitay da'iriliridin sürüshte qilsa, yene bir tereptin axbarat orunliri bilen alaqileshken. U gérmaniye hökümet orunlirighimu dadisining ehwalini melum qilghan. Gérmaniye hökümitining alaqidar orunliri tahirjandin hal sorash bilen birlikte uning dadisining uchurini élish üchün tégishlik tirishchanliqlarni körsitidighanliqini bildürgen.

7-8 Aydin béri lagérgha soliwélin'ghan, bu yil 68 yashqa kirgen mutellip sidiq qahiri minglarche oqughuchigha ilim bergen bir ma'aripchi, "Qeshqer pédagogika instituti ilmiy zhurnili" da mu'awin bash muherrir bolup 20 yilche xizmet qilghan bir neshiryatchi shundaqla Uyghur oqurmenlirige "Uyghur kishi isimliri qamusi" qatarliq namliq qimmetlik qoral kitablarni teqdim qilghan bir tetqiqatchi idi.

Toluq bet