1500 Nopusluq qirghiz kentidin 300 din artuq kishi lagérda

Muxbirimiz shöhret hoshur
2018-11-13
Élxet
Pikir
Share
Print
"Yépiq terbiyelesh lagéri" gha aylanduruwétilgen toluqsiz 3-ottura mektep. 2018-Yili 15-séntebir, chapchal.
"Yépiq terbiyelesh lagéri" gha aylanduruwétilgen toluqsiz 3-ottura mektep. 2018-Yili 15-séntebir, chapchal.
BITTER WINTER

Biz qizilsu qirghiz aptonom oblastining aqtu nahiyesige qarita élip barghan téléfon ziyaretlirimiz dawamida aqtu nahiyesidiki qirghiz millitidin bolghan bir saqchi xadimi charlong yézisining payiz kentidinla 300 din artuq kishining lagérda ikenlikini ashkarilidi.

Melum bolushiche, payiz kenti pütünley qirghizlar olturaqlashqan kent bolup, 1500 che nopusluq bu kenttin nopusning az dégende 20 pirsenti lagérgha élip kétilgen iken. Lagérgha adem tutushta özining wezipe ötewatqanliqini tilgha alghan bu saqchi xadimi kenttin élip kétilgenlerning nahiye baziri ichidiki lagérlarda tutup turuwatqanliqini tilgha aldi. Bu xadim yene lagérdikilerning bir qismining diniy zatlar ikenlikini eskertish bilen birlikte ularning köpinchisining téléfonidin "Chataq" chiqqan ahaliler ikenlikini eskertti. Biz lagérgha élip kétilgenler arisida lagérda jan üzgenlerning bar-yoqluqini sorighinimizda u özi mes'ul kenttin yoqluqini, emma bashqa teweliklerdin bolushi mumkinlikini bayan qildi.

Biz aqtu nahiyelik xelq hökümitige téléfon qilip, aqtu nahiyesidin lagérgha élip kétilgen qirghiz tutqunlarning sanini sorighinimizda téléfonimizni qobul qilghan xadim nahiyelik hökümettin lagérgha élip kétilgenler arisida yultuz isimlik bir qirghiz qizning barliqini ashkarilidi.

Ötken heptilerde Uyghur aptonom rayonluq ijtima'iy penler akadémiyesige qarita élip barghan téléfon ziyaretlirimiz dawamida mezkur akadémiyening qirghiz tarix tetqiqatchisi esqer yunusning yéqinda tutqun qilin'ghanliqi ashkarilan'ghan idi.

Toluq bet