Ghulja baykölde Uyghur déhqanlirining 4 neper xitay qurulush ishchisini görüge éliwélish weqesi yüz berdi

Muxbirimiz shöhret hoshur
2013-06-06
Élxet
Pikir
Share
Print
Baykölde étiz béshida yérini qoghdap yatqan déhqan tursun turghan. 2013-Yili iyun. Ghulja.
Baykölde étiz béshida yérini qoghdap yatqan déhqan tursun turghan. 2013-Yili iyun. Ghulja.
RFA

Xitay shirketliri bilen otturisida yer talishish dawamlishiwatqan bayköl déhqanliri aldinqi küni 8 mo üzümlükni topa bilen tinduruwetken 4 neper xitay shopurni 3 dane topa toshush mashinisi bilen birlikte tutuwélip 24 sa'et görüge alghan.

Bu jeryanda déhqanlar xitay ishchilardin 8 mo üzümlükke tölem töleshni we yaki topa bilen tinduruwétishni buyrughan bashliqni dep bérishni telep qilghan. Weqege saqchi we kadirlar ariliship mesilini eng qisqa waqit ichide hel qilidighanliqi heqqide yazma wede bergendin kéyin déhqanlar görüge éliwalghan shopur we mashinilarni qoyup bergen.

Muxbir: néme ishlar boluwatidu baykölde, yer talash-tartishi heqqide.

Turghun tursun: chong ish bolup ketti, aldinqi küni qoshnam turghun qurbanning 8 mo üzümlükini buzuwetkeniken, üstige su töküp, qoshnam ularni neq meydanda tutuwaptu. Qoshnam mehelle-koy bilen birlikte ularning mashinisi bilen qoshup qoyup bermey tutup turuwélip, yézidikiler ariliship xet qilip bergendin kéyin qoyup berdi. Bu ehwalni silerge melum qilayli dep turattuq, qoshnammu bar yénimda.

Muxbir: emise qoshningizgha béring, özi bilenla sözlisheyli.

Turghun qurban: yekshenbe küni chüshtin kéyin étizliqqa chiqsam, 9 mo üzümlükümge topa tashlawétiptu, qurulushning digung oyup chiqarghan topilirini؛ üzümlükning yérimini bitchit qiliwétiptu؛ burunmu mushundaq buzghunchiliqlar bolghan, emma tutalmighan, bu qétim béripla mashinilirining achquchini tartiwaldim we midirlashma jayingdin, dep buyruq qildim.

Muxbir: qanche kishiken ular?

Turghun qurban: mashinining shopurliri we bashqurghuchisi bolup 4 neper.

Muxbir: ularni tutuwalghanda néme dep tutuwaldingiz?

Turghun qurban: yaki üzümlükni töleysiler, yaki üzümlükke topa töküshni burighan bashliqni tépip bérisiler dédim؛ ular dégili unimidi. Unashmisang, 10 kün mushu yerde turushisen dédim.

Muxbir: ular qarshiliq körsetmidimu?

Turghun qurban: bashta yandi, u chaghda men yalghuz idim, kéyin inilirim keldi. Uningdin kéyin ötken kechkenler toplinip adem jiqiyip ketti؛ shuning bilen jimiqti. Ariliqta peychusoning keldi. Ularmu üzümlükni körüp "Hemming jim turush, jédelleshseng, her ikki terepni tutup kétimen, dédi. Uyghur saqchi idi, hem mashinini midirlatma, topini töküwetme dep qoyup ketti. Uning arqidin yéza we kentning mes'ulliri keldi. Ular kélip bundaq qilsanglar, ularning ishi toxtap qalidu, dep manga xizmet ishligili turdi. Ularning gépinimu ret qilduq. Axiri ular "Mesilini eng qisqa waqit ichide sen razi bolghudek derijide hel qilip bérimiz" dep yazma wede berdi, andin qoyuwettuq.

Muxbir: qanche kün tutup turghan boldunglar?
Turghun qurban: bir kéche, bir kündüz.

Yuqirida ghulja baykölde yüz bergen 4 neper xitay shopurning Uyghur déhqanliri teripidin 24 sa'et görüge élin'ghanliq weqesi heqqide tepsiliy xewer berduq.

Toluq bet