Xitay mexpiy tutqan yene bir weqe “9-Féwral yéngisar paltiliq hujumi” ashkarilandi

Xitayning ötken heptilerde Uyghur rayonida élip barghan térrorluqqa qarshi qesemyad yighini we herbiy küch körsitishlirining sewebi heqqidiki éniqlashlirimiz dawamida bezi menbeler, mezkur jiddiy haletning sewebining yalghuz guma pichaqliq weqesi emeslikini, bu türdiki qarshiliq heriketlirining yéqinqi heptilerde yéngisar we ghulja qatarliq köpligen jaylardimu yüz bergenlikini bayan qilghan idi.

Anglighuchilirimizdin kelgen bir mektupta, mezkur weqelerdin birining 10-féwral küni yéngisar doxturxanisida yüz bergenliki bayan qilin'ghan idi. Muxbirimizning bu heqtiki éniqlishi dawamida, yéngisar doxturxanisida yüz bergen weqening paltiliq hujum ikenliki, 9-féwral küni chüshtin kéyin yüz bergenliki we weqede az dégende 4 kishi ölüp, bir kishi yarilan'ghanliqi aydinglashti.

Yuqiridiki ulinishtin, muxbirimizning bu heqte teyyarlighan programmisini anglaysiler.