Қирғизистан уйғурлири дуня уйғур қурултийиниң рәһбәрлири билән тор арқилиқ йиғин өткүзди

Ихтиярий мухбиримиз ферузә
2021-03-01
Share
Қирғизистан уйғурлири дуня уйғур қурултийиниң рәһбәрлири билән тор арқилиқ йиғин өткүзди Италийә парламентида өткүзүлгән уйғурлар вә хоңкоң һәққидә гуваһлиқ бериш, ахбарат елан қилиш йиғинидин көрүнүш. 2020-Йили 1-июл.
Photo: RFA

28-Феврал күни қирғизистан уйғурлири "иттипақ" җәмийитиниң идарисидә дуня уйғур қурултийиниң рәһбәрлири билән тор арқилиқ йиғин өткүзүлди. Мәзкур йиғин қирғизистан уйғурлири "иттипақ" җәмийити вә дуня уйғур қурултийиниң қирғизистандики вакаләтчиси розимуһәммәт абдулбақийефниң һәмкарлиқида уюштурулди.

Мәзкур тор йиғиниға дуня уйғур қурултийиниң рәиси долқун әйса, муавин рәиси әркин әкрәм, иҗраий комитетиниң рәиси өмәр қанат әпәнди вә башқилар шундақла қирғизистан уйғурлири "иттипақ" җәмийитиниң рәиси әсқәр қасимоф, "иттипақ" җәмийитиниң мәркизий кеңәш әзалири, аяллар вә яшлар кеңишиниң әзалири болуп 30дин ошуқ киши қатнашти.

Йиғин җәрянида д у қ рәһбәрлири уйғур хәлқиниң бүгүнки вәзийити, лагерлар вә мәҗбурий әмгәк мәсилиси шундақла хитай һакимийити елип барған қирғинчилиқ сияситигә қарши турушта елип барған паалийәтлири тоғрисида тәпсилий чүшәнчә бәрди шундақла қирғизистандики уйғур җамаитиниң ой-пикирлирини аңлиди. Бу типтики йиғин қирғизистанда биринчи қетим уюштурулди. Йиғинниң асасий мәқсити қирғизистан уйғурлириға д у қ паалийәтлирини биваситә аңлитиш вә қирғизистан уйғурлирини ойғитип һәрикәтләндүргүч күч бериштин ибарәт икән. Радийомиз зияритини қобул қилған розимуһәммәт абдулбақи, мәзкур йиғин мәқсити вә мөлчәрләнгән нәтиҗиләр һәққидә тохталди.
Мәзкур йиғин давамида долқун әйса әпәнди "иттипақ" җәмийитини узун муддәтлик тәшкилат сүпитидә етирап қилип, униң уйғур мәдәнийитини тәрәққий қилдурушта муһим рол ойниғанлиқини тилға алди.

Тор арқилиқ уюштурулған мәзкур йиғин вақит чәклимиси билән икки саәт давам қилди, қатнашқучилар һаяҗанлинип, улар билән өзлириниң пикир-тәклиплирини ортақлашти. Игилинишичә д у қ рәһбәрлири йәнә қазақистандики уйғур җамаити биләнму тор арқилиқ учрашти. Радио зияритимизни қобул қилған "иттипақ" җәмийитиниң мәркизий кеңәш әзаси камилҗан ниязоф бу йиғиндин алған тәсиратлири һәққидә тохталди.

Мәзкур йиғинға қатнашқан новопокровка йезисиниң уйғур җамаәтчиликниң йигит-беши ғәйрәт җаһаноф, д у қ ниң елип барған паалийәтлири вә келәчәк пиланлири тоғрисида өз мәһәллисидикиләргә йәткүзидиғанлиқини тәкитлиди.

Қирғизистан уйғурлири "иттипақ" җәмийити көп йиллардин буян дуня уйғур қурултайлириға қатнишип, д у қ рәһбәрлири вә һәрқайси дөләттики уйғур қериндашлири билән дидарлишип турғаниди. Лекин корона вирус кесили ямрап кетип нурғун йиғин-паалийәтләр әмәлгә ашмиди, лекин қирғизистан уйғур җамаәтчилики үмид билән келәчәккә йүзләнмәктә. Кейинки йилларда қирғизистан уйғурлириниң яшлириму уйғур мәсилисигә көңүл бөлүп тарихий вәтинидики вәзийәтни тонуп, уларниң миллий кимлики вә вәтәнпәрвәр роһи күчәймәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт