Qirghizistan Uyghurliri özlirige yéngi re'is saylidi

Ixtiyariy muxbirimiz féruze
2023.03.14
qirghizistan-uyghur-saylam-1.jpg Qirghizistan Uyghurliri “Ittipaq” jem'iyitining yéngi saylinip chiqqan re'is tursuntay selimof sözlimekte. 2023-Yili 12-mart, bishkek.
RFA/Féruze

12-Mart küni qirghizistan paytexti bishkek shehirining etrapidiki arzu namliq chong réstoranda qirghizistan Uyghurliri “Ittipaq” jem'iyitining nöwettiki 10-qurultiyi bolup ötti. Uninggha qirghizistanning chuy, osh, issiq köl wilayetliridiki we bishkek hem uning etrapidiki Uyghurlar zich olturaqlashqan yézilardin 485 Uyghur wekil qatnashti. Shundaqla qirghizistan xelq assambléyesi kéngishining terkibidiki az-sanliq milletler wekillirimu mezkur qurultaygha qatnashti.

Qirghizistan Uyghurliri qurultayni jama'etning hemmidin muhim yighini dep bilidu. Her töt yil ichide qirghizistan Uyghurliri qurultay ötküzüp, re'is we merkiziy kéngesh toluq hésabat bérip yéngi re'is saylinidu. Bularning hemmisi nizamname bilen bolidu.

“Ittipaq” gézitining féwral éyidiki sanida bildürülüshiche qirghizistan Uyghurliri “Ittipaq” jem'iyitining re'islikige ikki namzat körsitilgen. Ular 1969-yili chuy wilayitining soquluq nahiyeside tughulghan télibayéf esed we 1956-yili chuy wilayitining alamédin nahiyeside tughulghan tursuntay selimoflardur. Lékin qurultayning aldida télibayéf esed istépa yézip re'islikke saylinishtin waz kechti.

Qirghizistan Uyghurliri “Ittipaq” jem'iyitining saylam pa'aliyitide esqer qasimof, tursuntay selimof, ekberjan bawudunof, muzepper qurbanof we sayfulla abdullayéf. 2023-Yili 12-mart, bishkek.
Qirghizistan Uyghurliri “Ittipaq” jem'iyitining saylam pa'aliyitide esqer qasimof, tursuntay selimof, ekberjan bawudunof, muzepper qurbanof we sayfulla abdullayéf. 2023-Yili 12-mart, bishkek.
RFA/Féruze

Qurultay bashlinish aldida biz Uyghur ayalliri birlikining qirghizistandiki re'isi cheshmem muxterowani ziyaret qilduq. U: “Ittipaq” jem'iyitining re'islikige namzitini körsetken tursuntay selimofning qirghizistan jumhuriyiti aliy kéngishige ikki qétim eza bolghanliqini tekitlep, uning Uyghur xelqini ilgiri sürdüridighan we jiddiy mesililerni hel qilalaydighan rehberlerning biri bolushini ümid qiliwatqaliqini éytti. .

Yighin qirghizistan jumhuriyitining dölet marshi bilen resmiy échilip, yighin'gha teshkiliy hey'etning re'isi peride nizamidinowa riyasetchilik qildi.

Mezkur qurultay kün tertipi re'is esqer qasimofning hésabat doklati, teptish we maliye hey'itining doklati “Ittipaq” jem'iyitining yéngi re'isini we merkiziy kéngesh ezalirini saylap chiqish hem bir qatar jeryanlardin ibarettur.

Yighinda deslep “Ittipaq” jem'iyitining re'isi esqer qasimof töt yilliq ish-pa'aliyiti toghriliq hésabat bérip, millet dewasini qilish her bir insaning perzi dep tekitlidi.

Qurultayda söz qilghan qirghizistan xelq qurultiyi kéngishining mu'awin re'isi, étnik qirghizlar jem'iyitining re'isi muzafar abdullayéf qurultay wekillirige salam yollap, “Uyghurlar qirghizistan xelqliri ichide köp sanliq milletlerdin biri” dep tekitlesh bilen birge yene Uyghur xelqini özining qérindash milliti dep bilidighanliqini éytti.

Qirghizistan Uyghurliri “Ittipaq” jem'iyitining saylam pa'aliyitining qurultay teshkilide xizmet körsetken Uyghur yashlar. 2023-Yili 12-mart, bishkek.
Qirghizistan Uyghurliri “Ittipaq” jem'iyitining saylam pa'aliyitining qurultay teshkilide xizmet körsetken Uyghur yashlar. 2023-Yili 12-mart, bishkek.
RFA/Féruze

Yighin dawamida sözge chiqqan qirghizistan aliy kéngishining sabiq ezasi perhat tuléndibayéf söz qilip Uyghurlarning qirghizistan tereqqiyatigha her sahelerde zor hessilerni qoshqanliqlirini tekitlep ötti.

Yighin axirida yekün chiqirilip, “Ittipaq” ning “Töt yilliq pa'aliyiti qana'etlinerlik boldi” dep bahalandi. Qurultayning ikkinchi basquchida yighin qatnashquchiliri bir éghizdin tursuntay selimofning namzitini qollap, awaz bérishti. Andin jem'iyetning teptish hey'iti we merkiziy kéngesh saylandi. Qurultayda merkiziy kéngesh ezasi bolup saylinip chiqqan Uyghur yash eziz xudabergenof ziyaritimizni qobul qilip, sepdashliri bilen yéngi köz qarashta öz milliti üchün xizmet qilidighanliqini tekitlidi.

Qurultayda issiq köl wilayitige wekillik qilghan filologiye penlirining proféssori abdullayéf seyfulla ziyaritimizni qobul qilip, sabiq re'is esqer qasimof issiq köl wilayitining jama'iti bilen qoyuq munasiwette bolghanliqini tilgha élip, yéngi saylinip chiqqan re'is tursuntay selimof zamaniwi teleplerge asas qilip, bolupmu Uyghur til mesilisini hel qilishida ilgiri süreleydighanliqidin ümidwar bolghanliqini bildürdi.

Qirghizistan Uyghurliri “Ittipaq” jem'iyiti 1989-yili 17-dékabir qurulghan. Shu 34 yil jeryanida jem'iyetke 6 re'is rehberlik qilghan. 10-Qurultayda tursuntay salimof 7-nöwetlik re'is bolup saylandi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.