Qirghizistan Uyghurliri noruz bayrimini daghdughiliq ötküzdi

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda ötküzülgen noruz pa'aliyitidin bir körünüsh. 2019-Yili 21-mart. Qirghizistan.

Qirghizistanda noruz bayrimi munasiwiti bilen döletning herqaysi sheher-yézilirida tentenilik qutlash pa'aliyetler bolup ötti.

Bishkek shehiridiki merkiziy meydanida tebriklesh pa'aliyetliri ötküzülüp, qirghizistanda yashawatqan her millet xelqi özlirining milliy sen'et maharetlirini namayan qildi we milliy körgezmilerni achti. “Ittipaq” Uyghur jama'itimu tebriklesh pa'aliyetlirige aktipliq bilen qatniship, Uyghur milliy naxsha-ussullirini orundidi. Milliy buyumlar we chalghu eswablar körgezmisi uyushturdi.

Qirghizistan yézilirining Uyghurlar topliship olturaqlashqan mehelliliride noruz bayrimi daghdughiliq ötküzülüp, ayallar kéngeshliri “Menmu Uyghur” pa'aliyitige aktipliq bilen qatnashti.

Bélowodskiy yézisida Uyghur jama'etchilikining bashchiliqida özbék, tajik, qirghiz hetta ukra'in we gérman xelqliri birlikte tentenilik bilen noruz bayrimini qutlidi. Yéza turghunlirini tebriklesh üchün kelgen yéziliq hökümet bashliqi asqarow bektur, teptish hey'itining re'isi rehimbek memetkérimof, qirghizistan Uyghurliri “Ittipaq” jem'iyitining re'isi artiq hajiyéf we jama'et erbabliri öz nutuqlirida tinchliq-xatirjemlikni we milletler ara ittipaqliqini xalaydighanliqlirini izhar qilishti. 

Tentenilik murasimgha yéza turghunliridin sirt bishkek we kara balta sheherliridin kelgen méhmanlar bolup, 300 din artuq kishi qatnashti. Noruz bayrimidin paydilinip Uyghur jama'iti ayallar kéngishining ezaliri “Menmu Uyghur” pa'aliyitige aktipliq bilen qatnashti. Radiyomiz ziyaritini qobul qilghan nilufer hashimowa xanim dunyaning her qaysi jaylirida yashawatqan Uyghur qérindashlirini noruz bayrimi bilen tebriklep, “Menmu Uyghur” pa'aliyitige aktipliq bilen qatnishishqa chaqirdi.

Mezkur murasimda Uyghur balilar milliy ussullarni orundap, naxshilarni éytip, méhmanlarning we yéza turghunlirining köngüllirini achti. Chonglar we yashlar xushal-xuramliq bilen ussullar oynashti. Bélowodskiy yéziliq ayallar kéngishining re'isi gülshat abliz qizi bu xil murasimlarda yashlar öz hüner-maharetlirini körsitip, kélechekte chong utuqlargha érishidighanliqlirini bildürdi. 

Kengbulung yézisidiki Uyghur ayallar jama'itining bashchiliqida pütün yézidiki her millet xelqi lezeket hajim apining qorusida noruz merikisi ötküzdi. Ular 20-mart küni etigendin bashlap xetme qur'an qilip, sümelek pishurushqa bashlidi. Sümelek noruzning deslepki béshariti bolghanliqidin bu ta'am üchün bughdayni bir nechche kün burun ündürme qilish kérek. Sümelek bughdiyigha mes'ul bolghan lezeket hajim bughdayni yuyup tazilap, kün'ge yéyip qorutup, su quyup turup turghanliqini bayan qildi. U 30 kilo bughdaygha 90 kilo un qoshup, sümelek etkenlikini we etraptiki 150 qorugha tarqatqanliqini bildürdi. 

21-Marttiki noruz bayrimi küni yéza jama'iti tentenilik murasimni bashlidi. Ayallar komitétining re'isi mahinur eysa bahar bayrimi tentenilik ötüwatqan bilsimu, lékin Uyghur diyaridiki weziyet tüpeylidin köngüllirining yérim boluwatqanliqini izhar qildi.

Bélowodskiy yézisining ayallirigha oxshash, keng bulung yézisidiki ayallar kéngishimu yash-gödek balilar bilen bille “Menmu Uyghur” pa'aliyitige qoshulushti.

Noruz murasimigha qatnashqan tursun'ay islam xénim bu xil pa'aliyetler yashlarning wetenperwerlik rohini kötürüshte we shundaqla yash ewladlarning Uyghur xelqining örp-adetlirini untumasliqida we uni saxlap qélishida muhim rol oynaydighanliqini sözlep ötti.

Igilishimizche, qirghizistan hökümet sanaqlirida qirghizistandiki Uyghurlarning sani 60 minggha yéqin dep qariliwatqan bolsimu, lékin Uyghurlar qirghizistandiki Uyghurlar sanining buningdin köp ikenlikini ilgiri sürmekte. Uyghurlar asasen bishkek shehiri we uning etrapidiki yézilargha, qaraqol, jenubtiki osh, qarasu, jalal'abad qatarliq chong-kichik sheherlerge tarqalghan.