Xitay kompartiyisining 18‏-qurultiyi 8‏-noyabir échilidighanliqi élan qilindi

Xitay kompartiyisi merkizi komitét siyasiy byurosi jüme küni yighin chaqirip, kompartiye 18‏-qurultiyini 8‏-noyabir küni chaqirishni otturigha qoyghan.
Muxbirimiz erkin
2012-09-28
Share

Jüme künki yighinda kompartiye 17‏-qurultiyining 7‏-nöwetlik merkizi komitét omumi yighinini 1‏-noyabir küni chaqirish, 1‏-noyabirdiki yighinda 18‏-qurultayni 8‏-noyabir küni chaqirishni telep qilish qarar qilin'ghan. Mezkur qurultayning del amérika prézidéntliq saylimi 6‏-noyabir küni bashlinip, 8‏-noyabir kimning utqanliqi aydinglishidighan kün'ge toghrilan'ghanliqi közetküchilerning diqqitini qozghighan.

Lékin bezi közetküchiler buning tasadipiyliq emesliki, 2002‏-yili kompartiye 16‏-qurultiyining 8‏-noyabir küni chaqirilghanliqini ilgiri sürmekte. Biraq 2002‏-yili amérika prézidéntliq saylam yiligha toghra kelmigen.

Bu qétimqi qurultayni xu jintaw-wén jabaw rehberlik guruhi dem élishqa chiqip, shi jinping-li kéchyang guruhi hoquq ötküzüwalidu. Shunga xitay yéngi rehberlik guruhining siyasiti, tashqi ishlar we milliy mesililerdiki pozitsiyisi qandaq bolidighanliqi munasiwetlik terepler yéqindin diqqet qiliwatqan mesile bolup qalghan.

Bu munasiwet bilen hetta dunya Uyghur qurultiyimu 1‏-öktebir küni gérmaniyining bawariye shtatliq parlaméntida mexsus mushu mesile heqqide yighin chaqirip, xitay yéngi rehberlirining milliy siyaset we démokratiye, kishilik hoquq mesililiridiki pozitsiyisini muzakire qilishni zörür tapqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet