Xitay 18‏-qurultay harpisida ürümchidiki Uyghurlar topliship olturaqlashqan rayonlarni qattiq kontrol astigha aldi

Ürümchilik puqralarning radi'omizgha melum qilishiche, ilgiri ürümchining kochiliri intayin qaynaq bolsimu, biraq yéqindin buyan qanun ijra qilish tarmaqliri, muqimliqni qoghdighuchi xadimlar, j x organliri we hökümet tarmaqliri birliship, ürümchi kochiliridiki yaymichi, plastinka satquchi we kocha naxshichilirini “Pak-pakiz süpürüp tashlighan.”

Ayrodrom, soda sariyi we talla bazarliri hemde mehellilerde tekshürüsh, teqib qilish kücheytilip, ötken-kechken mashina-aptomobillarni tekshürüsh, prawa, resmiyetlirini sürüshtürüsh yolgha qoyulghan. Ürümchide olturushluq bir xitay köchmen ahalisining bildürüshiche, döngköwrüktiki chong bazarning kirish-chiqish ishikige tekshürüsh jihazisi orunlashturulmighan bolsimu, biraq kirgen-chiqqanlarning somkisi tekshürülmekte iken.

D u q xitay da'irilirining qurultayni bahane qilip, Uyghur élide tekshürüsh we teqib qilishni kücheytkenlikini tenqid qildi. Qurultay bayanatchisi dilshat rishit, da'irilerning yérim kéche yaki tang seherde héchqandaq resmiyet béjirmey, nuqtiliq Uyghurlarning öyini tekshürüwatqanliqini bildürüp, buning éghir milliy kemsitish qilmishi ikenlikini bildürdi. Uning ilgiri sürüshiche, 5‏-iyul weqesidin kéyin ghayib bolghan Uyghurlarning a'ile-tawabi'atliri nuqtiliq teqib astigha élin'ghan.