Bügün dunyaning her qaysi jaylirida 4 ‏ - iyon weqesi xatirilendi

Bügün dunyaning her qaysi jaylirida 4 ‏ - iyon weqesining 20 yilliq harpisida xatirilesh pa'aliyetliri boldi. Xitay elchixaniliri siyasiy köz qarishi kommunist hökümiti bilen oxshash bolmighan kishilerning eyiblesh nishanigha aylandi.
Muxbirimiz weli
2009.06.03

Fransiye agéntliqining bayan qilishiche, londonda hetta en'giliyilik zhurnalistlarmu gül kötürüp tötinchi iyonni xatirilesh pa'aliyiti ötküzdi. Parizhda chégrisiz muxbirlar teshkilati tötinchi iyon weqesini eslep, xitay hökümitining xelqning pikir erkinlikini boghidighan siyasetlirige naraziliq bildürdi.

Birleshme agéntliqining béyjingdin bayan qilishiche, xitay hökümiti tyen'enmén meydani rayonini intayin qattiq kontrol qildi. Chet'elllik muxbirlarning bu da'irige kirishini cheklidi. Xitayning chégra qoghdighuchiliri makawda, 4 - iyon herikiti yétekchilirining biri bolghan örkesh döletning uruq ‏ - tughqanlirini yoqlash telipini ret qildi. Tötinchi iyon herikiti yétekchilirining biri bolghan shang shawjinimu, xitayning chégra qoghdighuchiliri xongkongda chégridin kirgüzmidi.

Emma xitayda intérnét ehli, xitay hökümitining torlarni qattiq tosuwélishgha qarita xilmu ‏ - xil charilar bilen taqabil turup, özlirining ghezep - nepritini ipadileshke tirishti.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.