2-فېۋرالدىن باشلاپ دۇنيا ئۇيغۇر قۇرۇلتىيىنىڭ ھەرقايسى دۆلەتلەردىكى شۆبە تەشكىلاتلىرى ۋە باشقا ئۇيغۇر تەشكىلاتلىرىنىڭ ئۇيۇشتۇرۇشى بىلەن مۇھاجىرەتتىكى ئۇيغۇرلار 5-فېۋرال قۇربانلىرىنى ۋە شۇ قېتىمقى نامايىش سەۋەبىدىن خىتاي تۈرمىلىرىدە يېتىۋاتقان ئۇيغۇرلارنى خاتىرىلەپ نامايىش قىلىش، خەتمە-قۇرئان قىلىش، سۆھبەت ئۆتكۈزۈش قاتارلىق پائالىيەتلەرنى تەشكىللىدى.
مۇھاجىرەتتىكى ئۇيغۇرلار ھەر يىلى 5-فېۋرال كۈنىنىڭ ئالدى-كەينىدە، 1997-يىلى خىتاي ھۆكۈمىتى تەرىپىدىن قانلىق باستۇرۇلغان غۇلجا 5-فېۋرال نامايىشىنى تۈرلۈك ئۇسۇللار ئارقىلىق خاتىرىلەپ، خىتاي ھۆكۈمىتىنىڭ ئۇيغۇرلارغا قاراتقان باستۇرۇش سىياسىتىنى ئەيىبلەپ كەلمەكتە.