Muhajirettiki Uyghurlar 5-féwral ghulja weqesini xatirilidi

1997-Yili ghulja shehiride yüz bergen “5-Féwral ghulja weqesi” ning 16 yilliqi munasiwiti bilen, muhajirettiki Uyghurlar dunyaning herqaysi jaylirida namayish, söhbet uyushturush qatarliq xatirilesh pa'aliyetlirini ötküzüp, 1997-yili ghulja yashliri xitay hökümitining Uyghurlargha qaratqan siyasitige qarshi élip barghan namayishni xatirilidi.
Muxbirimiz méhriban
2013.02.04

2-Féwraldin bashlap dunya Uyghur qurultiyining herqaysi döletlerdiki shöbe teshkilatliri we bashqa Uyghur teshkilatlirining uyushturushi bilen muhajirettiki Uyghurlar 5-féwral qurbanlirini we shu qétimqi namayish sewebidin xitay türmiliride yétiwatqan Uyghurlarni xatirilep namayish qilish, xetme-qur'an qilish, söhbet ötküzüsh qatarliq pa'aliyetlerni teshkillidi.

Muhajirettiki Uyghurlar her yili 5-féwral künining aldi-keynide, 1997-yili xitay hökümiti teripidin qanliq basturulghan ghulja 5-féwral namayishini türlük usullar arqiliq xatirilep, xitay hökümitining Uyghurlargha qaratqan basturush siyasitini eyiblep kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.