ئۇيغۇر ئامېرىكا بىرلەشمىسى «5-فېۋرال غۇلجا ۋەقەسى» نىڭ 16 يىللىقى مۇناسىۋىتى بىلەن بايانات ئېلان قىلدى

ئۇيغۇر ئامېرىكا بىرلەشمىسى 5-فېۋرال كۈنى تور بېكىتىدە «5-فېۋرال غۇلجا ۋەقەسى» نىڭ 16 يىللىقى مۇناسىۋىتى بىلەن بايانات ئېلان قىلىپ، خىتاي ھۆكۈمىتىدىن 1997-يىلى 5-فېۋرال غۇلجا نامايىشىنى قانلىق باستۇرغانلىقىنى چۈشەندۈرۈشنى تەلەپ قىلدى.
مۇخبىرىمىز مېھرىبان
2013.02.05

باياناتنامىدە ئۇيغۇر ئامېرىكا بىرلەشمىسىنىڭ رەئىسى ئالىم سېيىتوف ئەپەندى ئۇيغۇرلارنى 5-فېۋرال غۇلجا ۋەقەسىنى ئۇنتۇپ قالماسلىققا چاقىرىپ، خىتاي ھۆكۈمىتىدىن 1997-يىلدىكى 5-فېۋرال غۇلجا ياشلىرىنىڭ تىنچلىق نامايىشىنى قانلىق باستۇرغانلىقىنى خەلقئاراغا چۈشەندۈرۈشنى تەلەپ قىلدى.

1997-يىلى يىلى نەچچە مىڭلىغان غۇلجا ياشلىرى نامايىش قىلىپ، خىتاي ھۆكۈمىتىنىڭ ئۇيغۇرلارغا قاراتقان تۈرلۈك چەكلىمىلىرىگە نارازىلىق بىلدۈرگەندە، خىتاي دائىرىلىرى قوراللىق ساقچى قىسىملىرىنى يۆتكەپ كېلىپ نامايىشنى قانلىق باستۇرغان، نامايىشتىن كېيىن تۈركۈم-تۈركۈم غۇلجا ياشلىرى قولغا ئېلىنىپ تۈرمىلەرگە سولانغان، بىر قىسمى ئۆلۈم جازاسىغا ھۆكۈم قىلىنغان ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.