Хитай һөкүмити кишилик һоқуқни көзитиш тәшкилатиниң '5‏ - июл доклати'ға һуҗум қилди

Хитай һөкүмити пәйшәнбә күни баянат елан қилип, "5 - июл вәқәси"дә нурғунлиған уйғурларниң хитай қораллиқ қисимлири тәрипидин тутуп кетилип из ‏ - дерәксиз йоқап кәткәнликини илгири сүргән вә хитай даирилирини бу уйғурларниң из ‏ - дерикини беришкә чақирған кишилик һоқуқни көзитиш тәшкилатини әйиблиди.
Мухбиримиз әркин
2009.10.22

Хитай ташқи ишлар министирлиқи баянатчиси ма җавшуй пәйшәнбә күнки ахбарат елан қилиш йиғинида кишилик һоқуқни көзитиш тәшкилатиға һуҗум қилип, "бу тәшкилат нурғун питнә - иғваларни тарқитип, җуңгоға һуҗум қилип кәлди," дегән.

Кишилик һоқуқни көзитиш тәшкилати"5 - июл вәқәси"дин кейин үрүмчигә мәхсус адәм әвәтип, 5‏ - июлдики вәқәдә хитай қораллиқ қисимлири тәрипидин тутуп кетилип из ‏ - дерәксиз йоқап кәткән уйғурлардин 43 адәмниң исим - памилисини ениқлап чиққан. Лекин из ‏ - дерәксиз йоқап кәткән бу 43 адәм "деңиз астидики муз тағниң су үстигә чиқип қалған кичиккинә бир парчисидин ибарәт" икәнликини билдүргән иди. Ма җавшуй пәйшәнбә күнки баянатида " бу тәшкилат бундақ гәпләрни қилишта қандақ пакитқа таянғанлиқини билмидим" дегән.

Түркийә һөкүмити вә дуня уйғур қурултийи болса, хитай даирилириниң "5 - июл вәқәси"дә уйғурларға "ерқий қирғинчилиқ" елип барғанлиқини илгири сүргән. Қурултай даирилири вәқәдә из ‏ - дерәксиз йоқап кәткән уйғурларниң 10 миңдин ашидиғанлиқини билдүргән.

Кишилик һоқуқни көзитиш тәшкилати доклатида, америка вә явропа иттипақини хитайға, хитайға охшаш қорқунучлуқ қилмишларни садир қилған дөләтләргә муамилә қилғандин пәрқлиқ муамилә қилмаслиққа чақирған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.