Xitay hökümiti kishilik hoquqni közitish teshkilatining '5‏ - iyul doklati'gha hujum qildi

Xitay hökümiti peyshenbe küni bayanat élan qilip, "5 - iyul weqesi"de nurghunlighan Uyghurlarning xitay qoralliq qisimliri teripidin tutup kétilip iz ‏ - déreksiz yoqap ketkenlikini ilgiri sürgen we xitay da'irilirini bu Uyghurlarning iz ‏ - dérikini bérishke chaqirghan kishilik hoquqni közitish teshkilatini eyiblidi.
Muxbirimiz erkin
2009.10.22

Xitay tashqi ishlar ministirliqi bayanatchisi ma jawshuy peyshenbe künki axbarat élan qilish yighinida kishilik hoquqni közitish teshkilatigha hujum qilip, "bu teshkilat nurghun pitne - ighwalarni tarqitip, junggogha hujum qilip keldi," dégen.

Kishilik hoquqni közitish teshkilati"5 - iyul weqesi"din kéyin ürümchige mexsus adem ewetip, 5‏ - iyuldiki weqede xitay qoralliq qisimliri teripidin tutup kétilip iz ‏ - déreksiz yoqap ketken Uyghurlardin 43 ademning isim - pamilisini éniqlap chiqqan. Lékin iz ‏ - déreksiz yoqap ketken bu 43 adem "déngiz astidiki muz taghning su üstige chiqip qalghan kichikkine bir parchisidin ibaret" ikenlikini bildürgen idi. Ma jawshuy peyshenbe künki bayanatida " bu teshkilat bundaq geplerni qilishta qandaq pakitqa tayan'ghanliqini bilmidim" dégen.

Türkiye hökümiti we dunya Uyghur qurultiyi bolsa, xitay da'irilirining "5 - iyul weqesi"de Uyghurlargha "érqiy qirghinchiliq" élip barghanliqini ilgiri sürgen. Qurultay da'iriliri weqede iz ‏ - déreksiz yoqap ketken Uyghurlarning 10 mingdin ashidighanliqini bildürgen.

Kishilik hoquqni közitish teshkilati doklatida, amérika we yawropa ittipaqini xitaygha, xitaygha oxshash qorqunuchluq qilmishlarni sadir qilghan döletlerge mu'amile qilghandin perqliq mu'amile qilmasliqqa chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.