'5 ‏- ئىيۇل'دا 3 خىتاي پۇقراسىنى قۇتقۇزۇۋالقان ئەخمەت ئەلىنىڭ 3 تال قوۋۇرغىسى سۇندۇرۇۋېتىلگەن

خىتايچە ياشىن تورىنىڭ خەۋەر قىلىشىچە، ئۈرۈمچى شەھەرلىك تەپتىش مەھكىمىسى خەلق ئىشلىرى بۆلۈمىنىڭ باشلىقى ئەخمەت ئەلى، ئۆتكەن يىلقى 5 ‏- ئىيۇل ۋەقەسىدە، 3 خىتاي پۇقراسىنى قۇتقۇزۇش جەريانىدا ھۇجۇمغا ئۇچراپ، 3 تال قوۋۇرغىسى سۇندۇرۇۋېتىلگەن.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010.08.24
Share on WhatsApp
Share on WhatsApp

خەۋەردە بىلدۈرۈلۈشىچە، ئەخمەت ئەلى 5 ‏- ئىيۇل كۈنى ۋەقەدىن خەۋەر تاپقاندىن كېيىن، كېچە سائەت 10 دا خىزمەت ئورنىغا يېتىپ كېلىپ، بىر قانچە خىزمەتدېشى بىلەن بىرلىكتە، خىتاي پۇقرالىرىنى قۇتقۇزۇشقا ئاتلانغان. ئۇ تاشقى سودا ئىدارىسىنىڭ ئالدىدىكى 3 خىتاي يارىدارنى قۇتقۇزماقچى بولغاندا ھۇجۇمغا ئۇچرىغان. ھۇجۇمدا بەل قىسمىغا كېسەك تېگىپ 3 تال قوۋۇرغىسى سۇنۇپ كەتكەن.

خەۋەردە ئەخمەت ئەلىنىڭ ھۆكۈمەت تەرەپتىن قانداق مۇكاپاتلانغانلىقى بايان قىلىنمىغان، ئۇنىڭ يەنە شۇنىڭدىن كېيىن ئۇيغۇر جامائىتى ئارىسىدا قانداق مۇئامىلىگە ئۇچرىغانلىقىمۇ ئەسكەرتىلمىگەن.

ئۆتكەن ئايدا بوشۈن تورىنىڭ خەۋەر قىلىشىچە، بىر قانچە خىتاي پۇقراسىنى قۇتقۇزۇپ قالغان ئادىل ئىسىملىك بىر ئۇيغۇر ئۈرۈمچىدە ئۇيغۇرلار تەرىپىدىن يەكلىنىپ، يۇرتنى تاشلاپ كېتىشكە مەجبۇر بولغان ئىدى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.