Генерал давид петриос ' афғанистан истратегийиси өзгәрмәйду' деди

Афғанистандики америка вә нато қисимлириға йеңидин қомандан қилип тәйинләнгән америкилиқ генерал давид петриос бүгүн брюсселда шималий атлантик әһди тәшкилатиға әза дөләт вәкиллири билән учрашти. Учришиштин кейин у нато баш секретари фог расмуссен билән ортақ баянат елан қилди.
Мухбиримиз ирадә
2010.07.01
Share on WhatsApp
Share on WhatsApp

Йеңи қомандан давид петриос сөзидә афғанистан истратегийсиниң өзгәрмәйдиғанлиқини вә урушта авам хәлққә келидиған зиянни әң төвән сәвийигә чүшүрүш үчүн тиришидиғанлиқини билдүрди. У, "авамниң талапәткә учримаслиқи үчүн қолимиздин келидиған барлиқ тиришчанлиқни көрситишимиз керәк, бу бизниң мәҗбурийитимиз," деди вә услубта бәзи өзгиришләрни елип баридиғанлиқини билдүрди.

Нато баш секретари фог расмуссин болса, нато қисимлириниң пиланиниң талибан билән күрәш қилиш вә афғанистанниң хәвпсизликини қоғдаш вәзиписини афған бихәтәрлик күчлиригә өткүзүп бериш икәнликини қайта тәкитлиди.

Б б с ниң хәвәр қилишичә, йеңи қомандан генерал давид петриос брюсселдики учришишидин кейин кабулға қарап йолға чиқидикән.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.