Шәрқи түркистан учур мәркизи, хитай һөкүмитини хаталиқлирини тәкрарлимаслиққа чақирип агаһландурди

Шәрқи түркистан үчүр мәркизи бүгүн өз тор бетидә обзор елан қилип, хитай һөкүмитиниң уйғур елидики йеқинқи иҗраатлириға қисқичә бир баһа берип өткән. Обзорда, хитайниң бейҗиңда ачқан шинҗаң хизмәт йиғинидин кейинму, уйғур елидики сияситидә маһийәтлик бир өзгириш болмиғанлиқи көрситилгән. Болупму, хитайниң әбәдий әминликни шәкилләндүрүш үчүн йәнила ассимилиятсийә қилиш йолини таллиғанлиқи әскәртилип, хитайни хаталиқлирини тәкрарлимаслиққа чақирған.
Мухбиримиз шөһрәт һошур
2010.08.04
Share on WhatsApp
Share on WhatsApp

Хитай һөкүмитиниң идарә, җәмийәтләрдә давамлиқ һалда хитай тилини һокүмәт тили сүпитидә қоллиниватқанлиқи, қош тиллиқ маарип намидики хитайчилаштуруш маарипиниң техиму җиддий кеңәйтиливатқанлиқи, уйғур елиниң байлиқилирини булаш вә хәлқини бастуруш һәрикәтлириниң йәнила тез сүрәттә давам қиливатқанлиқи баян қилинған обзорда, хитай һөкүмитини 5 - июл вәқәсидин тоғра дәрс елишқа чақирған. Обзорда нәқил елинишичә, тәшкилат рәиси абдуҗелил қарақаш әпәнди, уйғур хәлқиниң һәқсизлиққә һечқачан сүкүт қилмиғанлиқини, хитай һөкүмити хаталиқлирини тәкрарлиса, бу хаталиқларниңму җавабсиз қалмайдиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт