Sherqi türkistan uchur merkizi, xitay hökümitini xataliqlirini tekrarlimasliqqa chaqirip agahlandurdi

Sherqi türkistan üchür merkizi bügün öz tor bétide obzor élan qilip, xitay hökümitining Uyghur élidiki yéqinqi ijra'atlirigha qisqiche bir baha bérip ötken. Obzorda, xitayning béyjingda achqan shinjang xizmet yighinidin kéyinmu, Uyghur élidiki siyasitide mahiyetlik bir özgirish bolmighanliqi körsitilgen. Bolupmu, xitayning ebediy eminlikni shekillendürüsh üchün yenila assimiliyatsiye qilish yolini tallighanliqi eskertilip, xitayni xataliqlirini tekrarlimasliqqa chaqirghan.
Muxbirimiz shöhret hoshur
2010.08.04
Share on WhatsApp
Share on WhatsApp

Xitay hökümitining idare, jem'iyetlerde dawamliq halda xitay tilini hokümet tili süpitide qolliniwatqanliqi, qosh tilliq ma'arip namidiki xitaychilashturush ma'aripining téximu jiddiy kéngeytiliwatqanliqi, Uyghur élining bayliqilirini bulash we xelqini basturush heriketlirining yenila téz sür'ette dawam qiliwatqanliqi bayan qilin'ghan obzorda, xitay hökümitini 5 - iyul weqesidin toghra ders élishqa chaqirghan. Obzorda neqil élinishiche, teshkilat re'isi abdujélil qaraqash ependi, Uyghur xelqining heqsizliqqe héchqachan süküt qilmighanliqini, xitay hökümiti xataliqlirini tekrarlisa, bu xataliqlarningmu jawabsiz qalmaydighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet