Түркистан ислам партийиси хитайниң "террорчилар" тизимликигә җаваб қайтурди

Хитай һөкүмити йеқинда "террорчилар" тизимлики елан қилип, 8 нәпәр уйғурни террорчилиқ билән әйиблигән вә мунасивәтлик дөләтләрниң уларни тутушқа һәмкарлишишни тәләп қилғандин кейин, җүмә күни түркистан ислам партийиси намидин баянат елан қилған "қомандан сәйфуллаһ" исимлик баянатчи, хитай даирилириниң тизимликтики кишиләргә даир баянлирини рәт қилди вә тизимликтики 8 кишиниң бәшиниң мәзкур тәшкилат билән алақиси йоқлуқини билдүрди.
Мухбиримиз әркин
2008-10-24
Share

Синалғуға елинған баянат җүмә күни америкиниң yuotube синалғу тор бекитигә чапланған болуп, баянатта "қомандан сәйфуллаһ" тизимликтики кишиләрниң " террорчи" әмәсликини, уларниң әркинлик җәңчиси икәнликини, лекин тизимликтики 5 кишиниң түркистан ислам партийиси билән мунасивити йоқлуқини илгири сүрди. У йәнә, хитай җ х министирлиқи елан қилған рәсимләрдики көпчилик уйғурларниң әмәлийәттики исми, хитайниң тизимликидики исимлар билән мас кәлмәйдиғанлиқини, уларға мунасивәтлик бәзи учурларниң тоғра әмәсликини билдүрди.

"Қомандан сәйфуллаһ" баянатта йәнә, хитай җ х хәвпсизлик министирлиқи "террорчи " дәп елан қилған тизимликтики бәзи уйғурлар түркистан ислам партийисидикиләр билән пәқәт "саламлишипла қойған" кишиләр икәнликини тәкитләйду.

Түркистан ислам партийиси олимпик һарписида елан қилған йәнә бир баянатта гуйҗу, гуаңши вә шаңхәйдики партлаш вәқәлиригә җавабкар болидиғанлиқини җакарлиған, лекин хитай һөкүмити бу җайларда йүз бәргән вәқәләрниң " террорлуқ"билән мунасивәтлик икәнликини рәт қилған иди.

Хитай җ х министирлиқи сәйшәнбә күни 2 ‏ - түркүмдики шәрқий түркистан " террорчилар"тизимлики елан қилип, мәмтимин турсун, әмәт яқуп, мәмәт турсун имин қатарлиқларни өз ичигә алған 8 кишини "террорлуқ " билән әйиблигән вә бу кишиләрниң җәнубий вә ғәрбий асия әллиридә паалийәт елип баридиғанлиқини тәкитлигән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт