Аба районида хитай қисимлири билән тибәт раһиблири оттурисида йүз бәргән тоқунушта икки раһиб өлтүрүлди

Хитай даирилири тибәт районлириниң бири болған әмма һазир сичүән өлкиси тәвәликидә туруватқан аба районидики кирти ибадәтханисини муһасиригә еливалғили икки һәптә болди.
Мухбиримиз вәли
2011.04.23

Норвегийидики тибәт тәшкилатлириниң тибәт аптоном районидин вә кирти ибадәтханисидин ениқлиған әһвалларға асасән баян қилишичә, хитай сақчилири пәйшәнбә күни кәч саәт 9 да, кирти ибадәтханисиға бесип керип, өйму-өй ахтуруп, раһиблардин 300 ни тутуп кәткән.

Җүмә күни, хитай сақчилири йәнә келип, пүтүнләй канап билән оралған аптомобиллирини сиртта тохтитип қоюп, ибадәтханиға кирип кәткән.

Бирләшмә агентлиқиниң бейҗиңдин баян қилишичә, хитай сақчилири билән тибәтләрниң кирти ибадәтханисидики радиплар оттурисида йүз бәргән тоқунушта икки раһиб өлтүрүлгән.

Америка авази ашкарилиған видео материяллиридин қариғанда, 3‏-айниң 16-күни мушу ибадәтханиниң алдида 20 яшлиқ раһиб пунсо өзигә от қоюп өлгәндә, бу ибадәтханидики 2 миңдин артуқ раһиб аллиқачан хитай сақчилириниң қоршави астида қалған.

Әмма хитай һазирға қәдәр бу ибадәтханини қораллиқ қисимлири билән қоршивалғанлиқини иқрар қилмайду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.