Шәрқий түркистан ислам һәрикитиниң рәһбири абдулһәқ өлтүрүлгән

Пакистан ички ишлар министири рахман малик җүмә күни бейҗиңда баянат елан қилип, шәрқий түркистан ислам партийисиниң рәһбири абдулһәқниң өлтүрүлгәнликини елан қилди.
Мухбиримиз әркин
2010-05-07
Share

Рахман малик җүмә күни бейҗиңда елип барған пакистан - хитай бихәтәрлик һәмкарлиқиға даир зияритини ахирлаштуруп, дөлитигә қайтиштин бурун абдулһәқниң өлтүрүлгәнликини билдүргән.

Мәтбуатлар униң "биз шәрқий түркистан ислам һәрикитини ялғуз хитайниң дүшмини дәп қарапла қалмай, биз йәнә уларни пакистанниң дүшмини һесаблаймиз .... Һазир бу гуруһниң аталмиш рәһбири һәқ йеқинда өлтүрүлди, мән буни муәййәнләштүримән" дегәнликини хәвәр қилди. Абдулһәқниң әсли исми мәмтимин мәмәт болуп, у 2003‏ - йили ислам һәрикитиниң рәһбири һәсән мәхсум өлтүрүлгәндин кейин мәзкур тәшкилатниң рәһбәрлик орниға чиққан.

Рахман малик бу һәқтики баянатида тәшкилат әзалириниң вә бу тәшкилатниң тәшкили күчи қалмиғанлиқини илгири сүргән.

Лекин, рахман малик абдулһәқни өлтүрүш оператсийиси хитай - пакистан қисимлириниң һәмкарлиқида яки пакистан қисимлири тәрипидин тәнһа елип берилғанлиқини тилға алмиди. Шәрқий түркистан ислам һәрикити болса бу хәвәрниң раст яки ялғанлиқиға һазирға қәдәр ипадә билдүрмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт