Hamid karzay, prézidént bush bilen uchrashqanda afghanistanda weziyetning kündin kün'ge yaxshiliniwatqanliqini bildürdi

Jüme küni aqsarayda amérika prézidénti jorj bush bilen uchrashqan afghanistan prézidénti hamid karzay, afghanistanda weziyetning kündin kün'ge yaxshiliniwatqanliqini bildürdi.
Muxbirimiz ömer qanat
2008-09-27
Share

Amérika hökümitining afghanistanni qaytidin qurush herikitige bériwatqan yardemlirige rexmet éytqan prézidént karzay, afghanistan tereqqiyat saheside özi 50 yaki 60 yilda basalaydighan musapini amérikining yardimi bilen 6 - 7 yilda basti," dep körsetti.

Xewerlerge qarighanda, amérika prézidénti jorj bush we afghanistan prézidénti karzay, amérika herbiy qisimlirining hawa hujumida bir qisim bigunah afghan puqralirining ölümi netijiside yirikleshken ikki dölet otturisidiki munasiwetlerni qaytidin yaxshilashqa tirishmaqta.

Afghanistanda taliban qalduqliri yéqindin béri afghanistandiki amérika we shimaliy atlantik okyan ehdi teshkilati qisimlirigha qaratqan hujumlirini kücheytken. Xewerlerge qarighanda, taliban qalduqliri bolupmu, amérika qisimlirining hujumlirida biguna afghan puqralirining ölgenlikidin, yerlik xelqlerni afghanistan hökümiti we afghanistandiki\chet'el herbiy küchlirige qarshi turushta bir teshwiqat qorali süpitide paydilanmaqta.

Amérika mudapi'e minstiri robrt géts yéqinda bergen bayanatida, kéler etiyazdin bashlap afghanistan'gha qoshumche amérika herbiy qisimlirini ewetishke bashlaydighanliqini jakarlidi. Nöwette afghanistan 31000 amérika herbiy qisimliri pa'aliyet élip bériwatqan bolup, bu afghanistanda mewjut chet'el herbiy qisimlirining %50 pirsentini teshkilleydu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet