Һамид карзай талибанларни афғанистанниң тинчлиқи үчүн күч чиқиришқа чақирди

Америка авазиниң хәвәр қилишичә, һамид карзай бу сөзни йәкшәнбә күнидики мухбирларни күтүвелиш йиғинида оттуриға қойған. Униң алдида болса, президент карзай ғәрб иттипақчилири билән талибан кишилирини ишқа орунлаштуруш вә уларни туралғу җайлар билән тәминләш арқилиқ уларни радикализм йолидин қалдуруш һәққидә пикир бирлики һасил қилған икән. Карзай, бу тәшәббусни әнә шуниңдин кейин оттуриға қойған.

Мәлуматларға қариғанда, талибанлар билән сөһбәт өткүзүш, сөһбәт арқилиқ тинчлиқни әмәлгә ашуруш карзай тәрипидин бурунла оттуриға қоюлған болсиму, бирақ талибанлар алди билән афғанистандики чәтәл қошунлирини чекиндүрүшни тәләп қилған иди.

Йеқинқи вақитлардин буян талибанларниң һәрикәтлири күчийип, муқимсизлиқ әвҗ елишқа башлиған болуп, техи йеқиндила афғанистан пайтәхти кабулда етишиш йүз бәргән иди.