Нато вә афған қошунлири марҗаһ йезисидики талибан қалдуқлириниң ахирқи базилирини тазилап болған

Нато вә афған қошунлири марҗаһ йезисидики талибан қалдуқлириниң ахирқи базилирини тазилап болған. Бирләшмә агентлиқида көрситишичә, марҗаһ йезисиниң мәркизидин илгириләп 4 күн йүрүш қилған америка вә афған қошунлири йезиниң шимал қисмидики районларни игиләп туруватқан америка қошунлири билән учрашқан.
Мухбиримиз җүмә
2010.02.27
Share on WhatsApp
Share on WhatsApp

Хәвәрдә көрситишичә, бу учришиш марҗаһдики талибан базилириниң тазилинип болғанлиқидин дерәк беридикән.

Бирләшмә қошун учрашқан җайда талибанларниң һуҗуми асасән пәсәйгән. Һәрбий даирилириниң билдүрүшичә, талибан қалдуқлири марҗаһтин қечип кәткән болуши, яки болмиса йәрликләргә арилишип кәткән болуши мумкин икән.

Уларниң билдүрүшичә йәнә, марҗаһтики талибан қалдуқлири бәлким очуқ ашкара җәң қилиштин йәр асти тәшкилат қуруп уюшушқа қарап йүзләнгән болушиму мумкин икән.

Марҗаһта икки һәптидин буян елип бериливатқан талибанға қарши һуҗум, нато вә афған қошунлири 2001 - йилидин буян афғанистанда елип барған әң чоң һәрбий һәрикәтләрниң бири.

Мәлум болушичә, бирләшмә қошун йеқин кәлгүсидә талибан һөкүмитиниң әсли пайтәхти - қәндиһар шәһиридә һәрбий һәрикәт башлайдикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.