Афғанистанниң кабул шәһиридики от апитидә 600 дукан көйүп кәтти

Афғанистанниң пайтәхти кабул шәһиридики икки чоң базарда йәкшәнбә күни от апити йүз берип, 600 дин артуқ дукан көйүп кәткән. Б б с агентлиқиниң хәвәр қилишичә, пүтүнләй кийим - кечәк содиси қилинидиған мәзкур икки базарда шәнбә күни от апити башланған болуп, от апити йәкшәнбә күни чүшкичә давамлашқан.
Мухбиримиз үмидвар
2012.12.23
Share on WhatsApp
Share on WhatsApp


Хәвәрләрдин мәлум болушичә, от апити нәтиҗисидә кабул шәһирини ис - түтәкләр қаплиған. Мәзкур апәттә бир қанчә милйон доллар зиян тартилғанлиқи пәрәз қилинмақта. Әмма, бу от апитидә адәм өлүш вә ярилиниш вәқәси садир болмиған. От апити башлиниш билән тәң кишиләр пуллирини елип базарни ташлап қечип кәткән.

Бундақ чоң базарларниң көйүп кетиш илгири парван вилайитиниң чарикан шәһридиму йүз бәргән болуп онлап дуканлар көйгән. Нөвәттә, кабулдики мәзкур икки чоң базарниң көйүш вәқәси тәкшүрүлмәктә, бәзиләр униң ток йолидин келип чиққан болуши мумкинликини пәрәз қилмақта. Һазирчә бу базарда хитай, уйғур вә башқа әлләр содигәрлириниң дуканлириниң бар йоқлуқи һәққидә учур мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.