Afghanistan saylimidiki her ikki namzat saylamda ghelibe qilghanliqini élan qildi

Jüme küni axirlashqan afghanistan prézidént saylimining her ikki namzati saylamda ghelibe qilghanliqini élan qildi. Bu afghanistanda taliban hakimiyiti aghdurulghandin béri ötküzülgen 2 ‏- saylam bolup hésablinidu.
Muxbirimiz erkin
2009.08.21

Saylam namzatliridin hazirqi prézidént hamid karzayning saylam yardemchisi, hazirghiche sanalghan biletlerdin qarighanda karzayning zor perq bilen aldida méngiwatqanliqini, 2 ‏- qétimliq bilet tashlashqa hajet qalmighanliqini bildürgen.

Lékin hamid karzayning asasliq riqabetchisi, sabiq tashqi ishlar ministiri abdulla abdullahning bayanatchisi, karzayning saylamda ghelibe qilghanliqigha da'ir pikirlerni étirap qilmaydighanliqini, chünki abdullahning bilet tashlash jeryanidiki saylam biliti karzaydin éship ketkenlikini élan qilghan.

Afghanistan saylam komitéti pütün biletlerni sanap bolghanliqini bildürgen bolsimu, lékin saylamda kimning ghelibe qilghanliqini élan qilishni ret qilip, her qaysi namzatlarning texir qilishini telep qilghan. Közetküchiler, resmiy saylam netijisini élan qilishqa yene bir qanche kün kétidighanliqini bildürmekte.

Afghanistan qanunigha asasen namzatlar saylam bilitining az dégende 50% ige érishse saylamda ghelibe qilghan bolidu. Eger érishken biliti 50% ke yetmise 2 ‏- qétim bilet tashlash kérek.

Saylamdin burunqi xelq rayini sinash netijiliridin melum bolushiche, hazirqi prézidént karzay bashqa namzatlardin körünerlik derijide aldida idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.