Alimjan himitning ayali aliy sotqa erz qilidighanliqini bildürdi

Xitay da'iriliri teripidin "dölet mexpiyetlikini ashkarilash" bilen eyiblinip, 15 yilliq qamaq jazasigha höküm qilin'ghan Uyghur xristi'an muritliridin alimjan himitning ayali gülnur, aliy sot mehkimisige erz qilidighanliqini bildürgen.
Muxbirimiz erkin
2011-01-28
Share

Qeshqer ottura sot mehkimisi ötken yili alimjanni 15 yilliq qamaq jazasigha höküm qilghandin kéyin, gülnur yuqiri sotqa erz qilghan. Yuqiri sot ötken yili 11‏-ayda erzini qobul qilip, 12‏-ayda déloni körüp chiqqan bolsimu, lékin 2‏-sotning netijisini hazirgha qeder alimjan we yaki uning a'ile-tawabatigha uqturmighan.

Amérikining téksas shtatidiki "junggo yardem jem'iyiti "ning gülnurdin neqil keltürüp ashkarilishiche, yuqiri sot da'iriliri bu délo 12‏-ayning axirliri tetbiqlinip, esli höküm küchke ige qilin'ghanliqini ashkarilap, gülnurgha adwokat tutup aware bolmasliqni éytqan.

Gülnur peyshenbe küni radi'oyimizning xitay tili bölümining ziyaritini qobul qilip, eger yuqiri sotning esli hökümni küchke ige qilghanliqi rast bolsa, aliy sotqa erz qilidighanliqini bildürdi. Alimjan qolgha élinip, 15 yilliq qamaq jazasigha höküm qilin'ghandin kéyin, uning délosi xelq'ara jem'iyetning diqqitini qozghighan idi. 2008‏-Yili séntebirde b d t kishilik hoquq kéngishining xalighanche qolgha élish weqelirini tekshürüp éniqlash guruppisi qarar chiqirip, alimjan himitning délosi xalighanche qolgha élip qanunsiz sotlash weqesige kiridighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet