'Alma' shirkiti xitaygha ishligen iPhone larning programmamisida dalay lama we rabiye qadirgha da'ir uchurlar tosuwétilgen

Amérikining alma shirkiti xitaygha ishligen iPhone larning programma dukinida ‏(app store) tibet rohani dahisi dalay lama we Uyghur rehbiri rabiye qadir xanimgha a'it uchurlarni tosuydighan programmilar ornitilghan.
Muxbirimiz erkin
2009-12-30
Élxet
Pikir
Share
Print

Bu heqtiki xewerlerde yuqiriqi shexslerge a'it uchurlarning xitayning sirtida sétiliwatqan iPhone ning programma dukinida barliqini, lékin bu uchurlarning xitaygha ishlen'gen iPhone ning programma dukinida tépilmaydighanliqini, alma shirkiti xitayning bu shexslerge nahayiti sezgür ikenlikini közde tutup, ulargha da'ir uchurni taziliwetken bolushi mumkinlikini bildürgen.

"Tor dunyasi - ottura sherq" namidiki bir tor békitining xewirige qarighanda, iPhone ni ishlepchiqarghuchi karxana alma shirkitining bayanatchisi trudiy myullér bu mesilige jawab bérip, "biz yerlik qanunlargha boysunushni dawamlashturimiz" dégen.

Mezkur tor béti bu heqtiki xewiride yene, iPhone ning programma dukinidiki dalay lamaning diniy üzündilirige a'it uchur we rabiye qadir xanim heqqidiki "muhebbetning 10 sherti" dégen filimgha da'ir uchur xitaygha ishlen'gen iPhone ning programma dukinida tépilmaydighanliqini bildürgen.

Bu weqe alma shirkitining Yahoo we Google gha oxshash shirketler qatarida tenqidke uchrishigha seweb boldi. Kishilik hoquqni qoghdighuchi guruhlar Yahoo we Google shirkitini xitay bilen hemkarliship, torda xitay da'irilirini tenqidlep maqale yazidighan öktichi yazghuchilarning tor uchurini xitay da'irilirige tapshurup bérish, ularning ziyankeshlikke uchrishigha sewebchi bolush bilen eyibligen idi.

Toluq bet