Almutida yüzligen öktichi namayish qildi

Ötken yili qazaqistanning zhanawzen néfit rayonida yüzligen kishiler namayish qilip xizmet waqti we ma'ash perqidiki naheqchiliklerge da'irilerdin jawab izdigen.

Halbuki hökümet da'iriliri namayishchilarni “Lükchekler” dep atap namayishni basturghan. Kéyin namayish qanliq toqunush weqesini keltürüp chiqirip, az dégende 15 adem ölgen idi.

Shenbe küni almuta merkiziy tiyatirxana aldigha yighilghan 800 etrapida namayishchi ötken yildiki namayishta tutulghanlarni qoyup bérishni telep qildi. Ular “Néfit ishchilirigha erkinlik”, “Siyasiy jinayetchilerge erkinlik” dégendek sho'arlarni towlashti.

Qazaqistandiki öktichiler bu yil kirgendin buyan bu xildiki namayishlarni bir nechche qétim ötküzgen idi.