Amérika özbékistandiki wetendashlirini térrorluq hujumliridin agah bolushqa chaqirdi

Amérika tashqi ishlar ministirliqi tünügün bir uqturush tarqitip, özbékistanda yashawatqan yaki özbékistan'gha sayahetke barmaqchi bolghan wetendashlirini, özbékistanda amérikiliqlargha qarshi térrorluq hujumlirining yüz bérip qélish éhtimalliqidin xewerlendürdi.
Muxbirimiz shöhret hoshur
2011.04.26

Uqturushta amérika hökümitining térrorchi guruppilarning özbékistandiki amérika menpe'etlirige hujum qilishni pilanlawatqanliqi heqqide üzlüksiz uchur tapshurwéliwatqanliqi eskertilip, amérika wetendashlirini bu jehette pexes bolushqa agahlandurdi.

Uqturushta hujum qilishni pilanlawatqan térrorchi teshkilatlarning nami bayan qilip ötüldi. Bu nuqtida, özbékistan islam herikiti, elqa'ide teshkilati, islamiy jihad birliki teshkilati qatarida sherqi türkistan islam herikiti teshkilatimu tilgha élindi.

Sherqi türkistan islam herikiti teshkilati 2001-yili boz hökümiti teripidin térrorchilar tizimlikige kirgüzülgen, shuningdin béri sherqi türkistan islam herikiti teshkilatining mewjutluqi mesilisi we mewjut bolghan teqdirdimu, uninggha térrorchi qalpiqini keydürüshning toghra bolidighan yaki bolmaydighanliqi bir qisim amérika siyasetchiliri we közetküchiler arisida talash-tartish témisi bolghan we amérika hökümitining shuningdin kéyinki ijra'at we bayanatlirida sherqi türkistan islam herikitige qarita térrorchi dégen nam qollinilmay kelgen.

Uyghur közetküchiler herqandaq bir Uyghur teshkilatning amérika we gherb döletlirige hujum qilish éhtimalliqining yoqluqini, peqet xitay hökümitining pitne toqup Uyghur musteqilchilirini tashqi himayidin mehrum qaldurushqa urunuwatqanliqini bayan qilishmaqta.

Özbékistan hökümitimu özlirige qarshi öktichi küchlerni gherb döletlirining qollap qélishidin endishe qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.