Америкиниң шәрқи қирғиқидики радиактиплишиш аламитини уйғур мутәхәссис абдураһман байқиди

Балтимор қуяши гезитиниң түнүгүнки хәвиридин мәлум болушичә, японийидики фукушима қазасидин кейин, америкиниң шәрқи қирғиқидики радиактиплиниш аламәтлирини тунҗи болуп байқиған вә радиактиплиниш миқдариниң инсанларниң саламәтликигә зиян йәткүзгүдәк дәриҗидә әмәсликини муәййәнләштүргән мутәхәссис уйғурдур.
Мухбиримиз шөһрәт һошур
2011.04.05

Бу мутәхәссис нөвәттә америкиниң мариланд штатиниң сәһийә башқармисиниң радиатсийә тәҗрибиханисида ишләватқан уйғур лаборатор абдураһман аблимиттур.

Балтимор қуяш гезитиниң түнүгүнки хәвиридә абдурахман аблимитниң байқаш җәряни алаһидә тилға елинған вә бу байқаш мәзкур тәҗрибиханиниң қурулған 30йилдин буянқи хизмәт ғайисигә мунасип бир нәтиҗә дәп көрситилгән.

Абдурахман аблимит америкиға келиштин аввал японийидә илим тәсил қилған болуп, у 2005-йилдин башлап мәзкур тәҗрибиханида тәкшүрүш вә тәтқиқат билән шуғулланмақта.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.