Хитай америкини кишилик һоқуқ сөһбити һарписида ички ишларға арилашмаслиққа агаһландурди
2011.04.26
Хитай баянатчи америка билән хитай арисида кишилик һоқуқ мәсилисидә охшимиған қараш мәвҗутлуқини, тәрәпләрниң өз- ара һөрмәт вә баравәрлик асасида бир-бирини өз -ара чүшинишни илгири сүрүши керәкликини билдүрди.
Чаршәнбә күни башлинидиған кишилик һоқуқ сөһбити икки күн давам қилиду. Сөһбәткә америка тәрәптин америка ташқи ишлар министирлиқиниң демократийә вә инсан һәқлиригә мәсул муавин ташқи ишлар министири мичаәл поснәр башчилиқидики бир гуруппа иштирак қилиду.
Хәвәрләрдә америка тәрәпниң бу қетим хитайниң инсан һәқлири вәзийитидики бир қисим муһим вә назук мәсилиләрни оттуриға қойидиғанлиқи, қанунсиз тутқун қилинған кишилик һоқуқ паалийәтчилири, өктичиләр вә инсан һәқлири адвокатлирини қоюп беришни җиддий шәкилдә тәләп қилидиғанлиқи билдүрүлмәктә.
Хитай баянатчи бүгүнки ахбарат йиғинида мухбирларниң хитай өктичи сәнәткар әй вейвей һәққики соаллириға җаваб берип, “биз башқа дөләтләрниң бизгә дүшмәнлик позитсийиси тутушидин әндишә қилмаймиз; биз пәқәт башқа дөләтләрниң вә у дөләттики хәлқләрниң қанун органлиримизниң әй вейвей һәққидики тәкшүрүши тамамланғучә сәвр қилип турушини үмид қилимиз” деди.
Америка ташқи ишлар министири һилларий клинтон мушу айниң бешида, хитайдики инсан һәқлири вәзийитидики яманлишиш вәзийитидин әндишә қиливатқанлиқини билдүргән иди.
Көп көрүлгән хәвәрләр
RFA
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”
- Долқун әйса билән хитай баш әлчиси оттурисидики кәскин тартишма биразилийә мәтбуатлиридин орун алған
- Түркийә президент сайлимида рәҗәп таййп әрдоған утти
- Нури түркәл: “бу ирқий қирғинчилиқни тохтитиш американиң иқтисади вә хәвпсизликини қоғдаш үчүнму муһим”
- Фирансийә парламентида “уйғур мәҗбурий әмгикигә четишлиқ мәһсулатларни чәкләш қарар лайиһәси” мақуллуқтин өтти