ئامېرىكا ئاۋام پالاتا ئەزالىرى 'شەرقىي تۈركىستان ئىسلام پارتىيىسى' نى قارا تىزىملىكتىن چىقىرىۋېتىشنى مۇزاكىرە قىلماقتا

نۆۋەتتە گۈەنتاناموغا قامالغان 17 نەپەر ئۇيغۇر گۇناھسىز دەپ جاكارلىنىپ، ئۇلارنىڭ 4 نەپىرىنىڭ ئاتلانتىك ئوكياندىكى بېرمۇدا تاقىم ئارال دولىتىگە ئورۇنلاشتۇرۇلۇشى بىلەن، ئامېرىكا ئاۋام پالاتا ئەزالىرى ئىچىدە، بوش ھۆكۈمىتىنىڭ 2002 - يىلى 9 - ئايدا " شەرقىي تۈركىستان ئىسلام پارتىيىسى"نى تېررورلۇق تەشكىلات دەپ ئېلان قىلغان قارارىغا قارىتا تەنقىدى پىكىرلىرى كۈچەيمەكتە.
ﻣﯘﺧﺒﯩﺮﯨﻤﯩﺰ ﻣﯩﻬﺮﯨﺒﺎﻥ
2009-06-18
Share

ئامېرىكا ئاۋام پالاتاسى تاشقى ئىشلار كومېتىتىنىڭ قارمىقىدىكى خەلقئارا تەشكىلاتلار سەيشەنبە كۈنى ئاچقان ئۇيغۇرلار ئۇچۇن ئىسپات بېرىش يىغىنىدا، بوش ھۆكۈمىتىنىڭ ئەينى چاغدا خىتاي تەمىنلىگەن بىر تەرەپلىمە ئۇچۇرلارغىلا تايىنىپ ، شەرقىي تۈركىستان ئىسلام تەشكىلاتلىرىنى تېررورچى تەشكىلات تىزىملىكىگە كىرگۇزۇپ قويغانلىقىنى تەنقىدلىدى.

يىغىندا يەنە،خىتاينىڭ ئامېرىكىنىڭ شەرقىي تۈركىستان ئىسلام تەشكىلاتلىرىنى تېررورچى تەشكىلات دەپ ئېلان قىلغانلىقىدىن پايدىلانغان خىتاي ھۆكۈمىتىنىڭ بۇنى باھانە قىلىپ، بۇ 7 يىلدىن بۇيان ئۇيغۇر ئېلىدە ئۇيغۇرلارغا قاراتقان باستۇرۇشنى كۈچەيتىپ، نۇرغۇنلىغان بىگۇناھ ئۇيغۇر ياشلىرىنى سىياسى جىنايەت بىلەن تۈرمىلەرگە قامىغانلىقىنى، ئۇيغۇر ئېلىدە ئۇيغۇرلارغا قارىتىلغان بېسىمنىڭ زىيادە كۈچىيىپ كەتكەنلىكىنى بايان قىلدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت