Amérika awam palata ezaliri 'sherqiy türkistan islam partiyisi' ni qara tizimliktin chiqiriwétishni muzakire qilmaqta

Nöwette güentanamogha qamalghan 17 neper Uyghur gunahsiz dep jakarlinip, ularning 4 nepirining atlantik okyandiki bérmuda taqim aral dolitige orunlashturulushi bilen, amérika awam palata ezaliri ichide, bosh hökümitining 2002 - yili 9 - ayda " sherqiy türkistan islam partiyisi"ni térrorluq teshkilat dep élan qilghan qararigha qarita tenqidi pikirliri kücheymekte.
Muxbirimiz mihriban
2009.06.18

Amérika awam palatasi tashqi ishlar kométitining qarmiqidiki xelq'ara teshkilatlar seyshenbe küni achqan Uyghurlar uchun ispat bérish yighinida, bosh hökümitining eyni chaghda xitay teminligen bir tereplime uchurlarghila tayinip , sherqiy türkistan islam teshkilatlirini térrorchi teshkilat tizimlikige kirguzup qoyghanliqini tenqidlidi.

Yighinda yene,xitayning amérikining sherqiy türkistan islam teshkilatlirini térrorchi teshkilat dep élan qilghanliqidin paydilan'ghan xitay hökümitining buni bahane qilip, bu 7 yildin buyan Uyghur élide Uyghurlargha qaratqan basturushni kücheytip, nurghunlighan bigunah Uyghur yashlirini siyasi jinayet bilen türmilerge qamighanliqini, Uyghur élide Uyghurlargha qaritilghan bésimning ziyade küchiyip ketkenlikini bayan qildi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.