Америка алий сот мәһкимиси уйғурларниң әрзини көрүп чиқишни кечиктүрди

Америка алий сот мәһкимиси йеқинда гүәнтанамодики уйғурларниң америкиға қоюп берилишни тәләп қилип, алий сот мәһкимисигә сунған әрзини көрүп чиқишни 10 ‏- айға кечиктүргән. Франсийә ахбарат агентлиқиниң ашкарилишичә, америка алий сот мәһкимисидики даириләр уйғурларниң адвокатлириға алий сотниң 10 ‏- айдин бурун уйғурларниң әрзи үстидин қарар чиқармайдиғанлиқини билдүргән.
Мухбиримиз әркин
2009-07-01
Share

Алий сот мәһкимиси уйғурларниң әрзини көрүп чиқишни кечиктүргән болсиму, лекин кечиктүрүш сәвәбини чүшәндүрмигән. Бәзи көзәткүчиләр, алий сот мәһкимисидики 9 нәпәр сотчи обама һөкүмитиниң гүәнтанамода қелип қалған уйғурларни орунлаштуруш йолидики дипломатик хизмитигә тосалғу болушни халимиғанлиқини, сотчиларниң шу сәвәбтин әрзини көрүп чиқишни кечиктүргәнликини пәрәз қилишмақта.

Нөвәттә гүәнтанамода қелип қалған 13 нәпәр уйғур 3 ‏- бир дөләткә орунлаштурулуш алдида туруватиду. Тинч окяндики палав дөлити уйғурларни қобул қилишқа тәйяр икәнликини билдүрүп кәлди. Лекин бәзи уйғурлар палавға беришни халимайдиғанлиқини билдүргән.

Көзәткүчиләрниң әскләртишичә,, әгәр 10 - айға қәдәр гүәнтанамодики қелип қалған уйғурлар башқа дөләткә орунлаштурулса, алий сотниң уйғурларниң әрзини көрүп чиқишиға һаҗәт қалмайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт