Америка алй соти гүәнтанамодики уйғурларниң әркинликкә еришиш тәлипигә қарап чиқишни қобул қилди

Америка алий сот мәһкимиси сәйшәнбә күни гүәнтанамода тутуп турулуватқан уйғурларниң наразилиқ әрзини қобул қилишни қарар қилди. Бу қарар бәш бурҗәклик бина пантогонниң бу кишиләрни америка учун тәһдит әмәс дәп бекиткән қарариға асасән болди.
Мухбиримиз миһрибан
2009.10.20

Алий сот, америкиниң душмән җәңчиси әмәс дәп елан қилған кишиләр ичидә уйғурларниң әрзигә дәсләп қарап чиқидиғанлиқини ипадилиди. Бултур 10 - айда федерал сотниң баш сотчиси орбна қатарлиқлар бу кишиләр гунаһсиз дәп қаралған икән, у һалда дәрһал қоюп берилиши керәкликини җакарлиған болсиму, әмма бош һөкүмити сотчиниң өз алдиға уйғур мусулманлирини қоюп беришкә буйруқ чүшүрәлмәйдиғанлиқини тәкитләп,сотчи орбинаниң қарарини ағдуруп ташлиған иди.

Обама һөкүмити тиришчанлиқ көрситип, дипломатик мунасивәтләр арқилиқ, бу уйғурлар үчүн мувапиқ бир дөләт тепишни қарар қилған иди. Бу уйғурлардин 4 нәпири бермуда тақим арал дөлитигә берип болған болуп, тич окяндики палав дөлитиму гүәнтанамо түрмисидики қалған уйғурниң 6 сини қобул қилидиғанлиқини билдүргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.