Amérika awstraliyige radar sistémisi we alem téléskopi ornatmaqchi

Amérika we awstraliye da'iriliri charshenbe küni élan qilghan birleshme bayanatqa qarighanda, amérika herbiy da'iriliri awstraliyige küchlük radar sistémisi we alem téléskopi ornitishni qarar qilghan.

2012.11.14
Share on WhatsApp
Share on WhatsApp


Amérika dölet mudapi'e ministiri lé'on panétta bu kélishimni “Ikki dölet arisidiki alem qatnishish hemkarliqi we amérikining asiya - tinch okyan rayonidiki herbiy tengpungluqini tengsheshtiki muhim aldinqi sep” dep sherhlidi.

Fransiye agéntliqida neqil qilishiche, nam sheripini mexpiy tutqan bir amérika dölet mudapi'e xadimi mezkur radar we téléskoplarning xitay qatarliq döletler atqan rakéta qatarliqlarni közitishte intayin muhim rol oynaydighanliqini bildürdi.

Bu, amérika hökümitining asasliq herbiy salmiqini asiya - tinch okyan rayonigha merkezleshtürüsh istratégiyisi otturigha qoyulghandin buyanqi muhim qararliridin biri.

Ötken yili awstraliye da'iriliri amérikining öz tupriqida herbiy baza échishigha qoshulghan idi.

Amérika dölet ishla ministiri hilariy klinton xanimmu seyshenbe küni jenubi awstraliye uniwérsitétida nutuq sözlep amérikining asiya - tinch okyan rayonidin qet'iy chékinmeydighanliqini bildürdi.

U mundaq dédi: shuni aydinglashturush kérekki, biz bu yerge turghili kelduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.