Amérika bérmidiki diniy öchmenlik weqeliridin endishe qiliwatqanliqini bildürdi

Bérmida musulman ammisi hujumgha uchrap bir qisim kishiler öltürülgendin kiyin, amérika hökümiti bu diniy öchmenlik weqeliridin endishe qiliwatqanliqini bildürdi.
Muxbirimiz jüme
2012-06-09
Share


Melum bolushiche aptobustiki musulmanlarni basqunchiliq jinayiti ötküzdi, dep xata tonup qalghan bir top budda rahibliri ötken yekshenbe küni bu musulmanlar olturghan aptobusqa hujum qilghan we bularni aptobustin tartip chiqirip topliship urghan. Weqede 10 adem ölgen bolup, shundin kéyin bérma weziyiti bir qeder jiddiyleshken.

Bu munasiwet bilen amérika tashqi ishlar ministirliqi bayanatchisi wéktoriya nuland jüme küni élan qilghan bayanatida mundaq dédi: biz 10 neper musulman tawapchilarning öltürgenliki heqqidiki xewerni anglap tolimu endishe qilduq hemde bu weqede hayatidin ayrilghanlargha échinduq.

U yene hökümet we az sanliq millet da'irilirini tinchliq ornitishqa tirishchanliq körsitip, ikki terepni heqiqiy sülhi tüzüshke chaqirdi.

Melum bolushiche, bérmidiki musulmanlarning nopusi omumiy dölet nopusining 4 pirsentini igileydighan bolup, ular dunyadiki eng köp ziyankeshlikke uchraydighan musulmanlar topi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet