Amérikining sherqiy qirghiqi yamghurluq boran hujumigha uchridi

Amérikining sherqiy déngiz qirghaqliri atlantik okyandin bashlan'ghan “A'irin” dep atalghan déngiz yamghurluq borinining hujumigha uchrighan bolup, asasliqi shimaliy karolina, meriylend, wirginiye, néw jérséy, délwer shtatliri qattiq zerbige yoluqqan hemde yekshenbe küni nyuyork shehiri yamghurluq boranning hujumigha duch kelgen.
Muxbirimiz ümidwar
2011.08.28

Shenbe küni qattiq boranliq yamghur shimaliy karolina shtati tewesige kirip, sa'itige 140 kilométirliq tézlik bilen shimaliy tereplerge kéngeygen.

Yamghurluq boranning hujumidin ilgiri amérika hökümiti jiddiy mudapi'e tedbirlirini alghan bolup, sherqiy qirghaqtiki nurghun ahaliler köchürülgen we qatnashlar toxtitilghan.

Shenbe we yekshenbe künigiche bolghan mezkur tebi'iy apette 15 adem hayatidin ayrilghandin tashqiri yene xéli köp sanda öyler buzghunchiliqqa uchrighan, déngiz qirghaqlirigha yéqin jaylar déngiz tashqinlirining zerbisige duch kelgen.

Bezi rayonlarda derexler örülüp, éléktr simliri üzülüp, bir qanche yüz ming kishi toksiz qalghan. Melum bolushiche, hazirghiche sherqiy qirghaqttiki ikki milyon shirketning tok bilen teminlinishi üzülüp qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.