Amérika xitay ishlar komitétida Uyghur musapirlar mesilisi muzakire qilindi

Amérika dölet mejlisi we hökümitining teng bashqurushidiki xitay ishlar komitéti jüme küni yumulaq üstel yighini chaqirip, mutexessislerning xitaydiki musapirlar mesilisige bolghan pikirini aldi.
Muxbirimiz erkin
2009.05.01

"Xitayda musapirlar mesilisining bash kötürüshi" dégen témidiki yighinda mutexessisler xitayda yashawatqan shimaliy koriyilik musapirlarning teqdiri, xitayning ulargha tutqan pozitsiyisi, musapirlar siyasiti, xitayning xelq'ara musapirlarni qoghdash ehdinamilirini ijira qilish ehwali, chet'ellerdiki Uyghur we tibet musapirlirigha qaratqan siyasiti qatarliq mesililer üstide pikir bayan qildi.

Yighinda amérika jorji tawén uniwérsitétining xelq'ara mesililer mu'awin proféssori, Uyghur musapirlar mesilisi mutexessisi shon robért pikir bayan qilip, chet'ellerdiki Uyghur musapirlirining ehwali, ular duch kéliwatqan mesile, xitayning chet'elde panahliq tiligen Uyghurlargha tutuwatqan mu'amilisi qatarliq mesililer üstide toxtaldi.

Shon robért ottura asiya we 3 ‏ - dunya elliridiki Uyghur sergerdanlirini "yardemge eng muhtaj musapirlar topi," dep qaraydighan mutexessislerning biri. U ilgiri gherb ellirining Uyghur musapirlirigha bash panah bolushini teshebbus qilghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.