Америка дөләт мәҗлиси хитайниң пиланлиқ туғут сиясити һәққидә гуваһлиқ бериш йиғини ачти

Бүгүн сәйшәнбә 10 - ноябир күни чүштин кейин, америка дөләт мәҗлисиниң йиғин залида, хитайда 30 йилдин буян йолға қоюлуватқан пиланлиқ туғут сиясити вә униң йүргүзүлүш әһвали һәққидә гуваһлиқ бериш йиғини өткүзүлди.
Мухбиримиз миһрибан
2009-11-10
Share

Америка дөләт мәҗлисидә өткүзүлгән бу йиғинға һәр саһә затлири қатнашқан болуп, йиғинда хитайда пиланлиқ туғут сиясити йолға қоюлған бу 30 йилдин буян, пиланлиқ туғут сияситиниң пуқралар арисида мәҗбурий иҗра қилиниши һәм бу җәрянида йүз бериватқан бир қатар иҗтимаий мәсилиләр оттуриға қоюлди.

Йиғинда гуваһлиқ бәргән кишиләр ичидә, уйғур миллий һәрикитиниң йетәкчиси, дуня уйғур қурултийиниң рәиси рабийә қадир ханимму бар болуп, у хитайниң уйғурларға қаратқан пиланлиқ туғут сиясити вә бу сиясәтниң уйғурлар арисида мәҗбурий йүргүзүлүши сәвәбидин, уйғурларниң тәбиий көпийиш әркинлики боғулуп, уйғур аяллири вә балилири дуч келиватқан бир қатар қисмәтләр һәққидә гуваһлиқ бәрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт