2011-Йили америка иқтисадида йүксилиш болидиғанлиқиға үмид билән қаралмақта

Америка иқтисади бултурниң ахирқи йеримида арқиға қарап чекиништин тохтиғандин буян, бу йилниң алдинқи 3 пәслидә, йиллиқ ишләпчиқириш миқдари 2.6% Ашқан.
Мухбиримиз шөһрәт һошур
2010.12.28

Иқтисадшунасларниң пәрәз қилишичә, америкиниң пул қиммитини тәңшәш сиясити вә баҗ кемәйтиш тәдбириниң түрткисидә америкиниң иқтисадиниң йүксилиш сүритидә 2011 ‏-йили йәниму илгириләш болидикән.

Америкидики бир иқтисадий мәслиһәт ширкитиниң йеқинда елан қилған бир доклатида, америкиниң иқтисадиниң алдинқи 3 пәсилдә әслигә келиш басқучини баштин кәчүргәнлики, әмдиликтә йәни 4 ‏-пәсилдә болса йиллиқ ишләпчиқириш миқдари 3.2%ge Йетип, рәсмий җанлиниш басқучиға қәдәм қойғанлиқи билдүрүлгән.

Мәзкур ширкәтниң башлиқи бонад помер, америка иқтисадиниң 2011 ‏-йилдиму бу илгириләш қәдимини тохтатмайдиғанлиқи һәққидики пәризини оттуриға қойған. Америка авази радиосиниң бүгүнки бу һәқтики хәвиридә билдүрүлүшичә, тонулған иқтисадшунаслардин җәй барсон, җәй фелдмән қатарлиқларму америка иқтисадида үмидлинәрлик нуқта, иқтисадниң ешиш нисбитидә әмәс, бәлки иқтисадий йүксилишни һәрикәтләндүридиған күч мәбәсиниң кәңликидә, дәп көрсәткән.

Америка иқтисадиниң тәрәққияти мәсилиси ялғуз америка хәлқиниң мәнпәити мәсилиси болупла қалмай, униң дунядики сиясий күч тәңпуңлуқиға көрситидиған тәсири сәвәблик дунядики инсан һәқлири мәсилиси қатарлиқ хәлқаравий зор мәсилиләрниңму тәрәққиятиға тәсир көрситидиған муһим мәсилиләрдин бири болуп кәлмәктә.

ge Йетип, рәсмий җанлиниш басқучиға қәдәм қойғанлиқи билдүрүлгән.

Мәзкур ширкәтниң башлиқи бонад помер, америка иқтисадиниң 2011 ‏-йилдиму бу илгириләш қәдимини тохтатмайдиғанлиқи һәққидики пәризини оттуриға қойған. Америка авази радиосиниң бүгүнки бу һәқтики хәвиридә билдүрүлүшичә, тонулған иқтисадшунаслардин җәй барсон, җәй фелдмән қатарлиқларму америка иқтисадида үмидлинәрлик нуқта, иқтисадниң ешиш нисбитидә әмәс, бәлки иқтисадий йүксилишни һәрикәтләндүридиған күч мәбәсиниң кәңликидә, дәп көрсәткән.

Америка иқтисадиниң тәрәққияти мәсилиси ялғуз америка хәлқиниң мәнпәити мәсилиси болупла қалмай, униң дунядики сиясий күч тәңпуңлуқиға көрситидиған тәсири сәвәблик дунядики инсан һәқлири мәсилиси қатарлиқ хәлқаравий зор мәсилиләрниңму тәрәққиятиға тәсир көрситидиған муһим мәсилиләрдин бири болуп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.