Amérika bilen jenubiy koriye sériq déngizda élip baridighan herbiy manéwir xitayni qattiq chöchütmekte

Xitay amérika bilen jenubiy koriyini sériq déngizda élip barmaqchi bolghan herbiy manéwiri heqqide agahlandurdi. Xitay tashqi ishlar ministirliqining bayanatchisi chin gang bügünki bayanatida, xitayning amérika bilen jenubiy koriye sériq déngizda élip barmaqchi boluwatqan herbiy manéwirdin endishe qiliwatqanliqini bildürdi.
Muxbirimiz irade
2010.07.08

U sözide: "xitay herqandaq bir dölet herbiy paraxotlirining sériq déngiz we shundaqla xitayning bashqa déngiz tewelikige yéqinliship, dölitimizning bixeterlikige ziyan salidighan heriketlerde bolushigha qet'iy qarshi turidu" dégen.

Amérika bilen jenubiy koriyidin ibaret bu ikki dölet, shimaliy koriye jenubiy koriyining bir herbiy paraxotini chöktürüwétip 46 eskirining ölüshige sewebchi bolghandin kéyin, mart éyida sériq déngizda birleshme urush manéwiri élip bérishni pilan qilghan idi.

Birleshme agéntliqining xewer qilishiche, amérika bilen jenubiy koriye sériq déngizda élip baridighan herbiy manéwirning éniq waqtini téxi élan qilmidi. Xitay herbiy da'iriliri bolsa amérika bilen jenubiy koriyining herbiy manéwirigha qarshi özining sherqiy déngiz qirghaqliridiki 6 künlük herbiy manéwirini bashliwetti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.